ހދ ހަނިމާދޫގައި މަގު ހެދުމުގައި މަސައްކަތުގައި އުޅޭ ހުރިހާ ދިވެހިން ވަޒީފައިން ވަކިކޮށްފިއެވެ.
ހަނިމާދޫ މަގު ހެދުމުގެ މަސައްކަތް ކުރަމުން ގެންދަނީ އެމްޓީސީސީ ގެފަރާތުންނެވެ. މިއަދު ވަޒީފާއިން ވަކިކޮށްފައިވަނީ 13 ދިވެހި މުވައްޒަފުންނެވެ. އެއްވެސް އެގުރިމެންޓެއް ނުހަދާ އެ މުވައްޒަފުން މަސައްކަތުގައި 6 މަސް ދުވަހު ގެންގުޅުމަށްފަހު މިއަދު ވަޒީފާއިން މިވަނީ ވަކިކޮށްފައެވެ.
” މިދިއަ ރޯދަ މަހު އެއްބަސްވުން ހަމިވިފަހުން އެގުރިމެންޓް އައު ނުކުރީ. ބަރާބަރަށް މަސައްކަތަށް ނުކުންނަމުން މިދިޔައީ. މިއަދު އެޗްއާރުން ގުޅާފައި ބުނީ ވަޒީފާއިން މިއަދުން ފެށިގެން ވަކިވީ ކަމަށް.” ނަން ނުޖެހުމަށް ޝަރުތުކޮށް މައުލޫމާތުދިން މުވައްޒަފަކު ބުންޏެވެ.
އެމްޓީސީސީ ބަހެއް ހޯދަން ކުރި މަސައްކަތް ވަނީ އެފަރާތުން ފޯނަށް ޖަވާބު ނުދޭތީ ކާމިޔާބު ވާގޮތް ނުވެފައެވެ.
