މިދިޔަ ބުރާސްފަތި ދުވަހުގެ ރޭ ގުޅީފަޅުގައި ހުންނަ ތިލަމާލެ ބްރިޖުގެ މަސައްކަތްކުރާ އެފްކޮންސް ކުންފުނީގެ މުވައްޒަފުންގެ އެކޮމޮޑޭޝަން ބްލޮކެއްގައި ހިނގި އަލިފާނުގެ ހާދިސާއަށްފަހު އެ ކުންފުނީގެ މުވައްޒަފަކު ގެއްލިގެން ހޯދަން ފަށަައިފިއެވެ.
ބްރިޖު އޮފީހުގެ ޕްރޮޖެކްޓް މެނޭޖަރު މުހައްމަދު ޖިނާންއާ ހަވާލާދީ ބައެއް މީޑިއާތަކުން ބުނެފައިވަނީ އަލިފާނުގެ ހާދިސާއަށްފަހު އެކަކު މަދު ކަމަށެވެ.
އެހެންކަމުން އެމީހާ ހޯދުމުގެ މަސައްކަތް ކަމާގުޅޭ ފަރާތްތަކާ ގުޅިގެން ކުރަމުން އަންނަ ކަމަށެވެ.
އަލިފާން ރޯވި ހާދިސާއާ ގުޅިގެން 73 މީހަކު ހޮސްޕިޓަލަށް ގެންގޮސްފައިވެއެވެ. ރޯވި އެކެމަޑޭޝަން ބްލޮކުގައި 465 މީހުން ދިރިއުޅޭ ކަމަށް މައުލޫމާތު ލިބިފައިވެއެވެ.
