ދިވެހި ކޮމިޑީ ޑްރާމާ “ދިރިއުޅުމަކީ މިއީބާ”ގައި އިބްރާހީމްގެ ނަމުން މަޝްހޫރުވެފައިވާ ކޮމީޑިއަން (އަބްދުﷲ އަލީ) މިއަދު ފަތިހުގެ ވަގުތެއްގައި ނިޔާވެއްޖެއެވެ.
އަބްދުﷲ އަލީ ނިޔާވީ އައިޖީއެމްއެޗްގައި ފަރުވާދެމުން ދަނިކޮށެވެ. އުމުރުން 57 އަހަރުގައި އަބްދުﷲ އަލީ ނިޔާވިއިރު އަންބަކާއި ދަރިން ތިއްބެވެ.
މައުލޫމާތު ލިބިފައިވާ ގޮތުގައި އަބްދުﷲ އަލީ އަކީ ފުރަމޭގެ މައްސަލައެއް ހުންނަ މީހެކެވެ. އެނގިފައިވާ ގޮތުގައި މިދިޔަ ނޮވެމްބަރު މަހު އިންޑިއާގައިވެސް ފުރަމޭގެ ބޮޑު އޮޕަރޭޝަނެއް އޭނާވަނީ ކޮށްފައެވެ.
އިބްރާހިމްބެގެ ކަށުނަމާދު އޮންނާނީ މިއަދު މެންދުރުނަމާދަށް ފަހު އާސަހާރާ މިސްކިތުގައެވެ.
