ސިފައިންގެއިން ރެކީ ޕެޓްރޯލެއްގެ ގޮތުގައި ނުކުންނެވި 10 ބޭކަލުންގެ ތެރޭގައި ކޯޕްރަލް މުޙަންމަދު ޙަސަން ނުކުންނެވި ވަގުތު ދުސްމަނުން ދިން ބަޑީގެހަމަލާގައި ވަޒަން އަރާ ޝަހީދުވީއެވެ. ކޯޕްރަން މުހަންމަދު ހަސަން ޝަހީދުވެގެން ވެއްޓިފައިވަނީ ސިފައިންގެ މައި މަރުކަޒުގެ އިރު އުތުރު ކަނާދިމާއިން އަމީރު އަޙުމަދު މަގަށެވެ. ކޯޕްރަލް މުޙައްމަދު ޙަސަން މިސާބިތުކޮށްދެއްވި ގައުމީ ޖިހާދުގެ އަގު ވަޒަންކުރައްވައި، ޕްރައިވެޓެއްގެ މަގާމުން ކޯޕްރަލެއްގެ މަގާމަށް ޕްރޮމޯޓް ކުރައްވައި، މެޑަލް ފޮރ ބްރޭވަރީ (ހުރަވީ ރިހި މެޑަލް)، ތިނެއް ނޮވެމްބަރގެ މެޑަލް އަދި ޖިހާދުގެ ރަތް މެޑަލް ދެއްވާފައިވެއެވެ. ކޯޕްރަލް މުޙަންމަދު ޙަސަން ޝަހީދުވިއިރު އޭނާ ސިފައިންގެ ހިދުމަތުގައި އުޅުއްވާތާ ހަތަރު އަހަރާއި ދިހަ މަހާއި އަށް ދުވަސް ވެއްޖެއެވެ. މާތް ﷲ މަރުހޫމް މުޙަންމަދު ޙަސަންގެ ފުރާނައަށް ސުވަރުގޭގެ ދާއިމީ ނިއުމަތް ލައްވާށިއެވެ. އާމީން
މައުލޫމާތު: އެމްއެންޑީއެފްއިން ނެރުނު އައްޑަން ނޮވެމްބަރ 2007
