ޖޭޕީ ޖަލުސާއަށް ނުދިއުމަށް އެދި ގަފޫރު ރައްޔިތުންނަށް ނުފޫޒު ފޯރުވާކަމުގެ ތުހުމަތު ހަނިމާދޫ ޖެޕީ ޓީމުން ކޮށްފިއެވެ.
ޖޭޕީ ހަނިމާދޫ ޓީމުން ދާދި ދެންމެ ފޭސްބުކްގައި ކުރި ޕޯސްޓެއްގައި ބުނީ މިއަދު ހަވީރު ޖުމްހޫރީ ޕާޓީގެ ލީޑަރު އަދި ރިޔާސީ ކެނޑިޑޭޓް އޮނަރަބަލް ގާސިމް އިބްރާހީމް ހަނިމާދޫއަށް އައިސް ބޭއްވުމަށް ހަމަޖެހިފައިވާ ޖަލުސާއަށް ނުދިއުމަށް ހަނިމާދޫ ދާއިރާގެ މެންބަރު ގަފޫރު ގުޅާ ނުފޫޒު ފޯރުވާކަމަށެވެ.
“މުވައްޒަފުން އެ ޖަލުސާއަށް ނުދާކަމަށް ވާނަމަ ޕްރޮމޯޝަން ދޭނެ ކަމަށާއި ވަޒީފާ ދޭނެކަމަށް، ވަކިވަކި ފަރުދުންނަށް އެމްޕީ ގަފޫރު ގުޅާފައި އެބަ ބުނޭ.” ޖޭޕީ ހަނިމާދޫ ޓީމް
ޖުމްހޫރީ ޕާޓީގެ ލީޑަރު އަދި ރިޔާސީ ކެނޑިޑޭޓް އޮނަރަބަލް ގާސިމް އިބްރާހީމް ހަނިމާދޫއަށް އައުމަށް ހަމަ ޖެހިފައިވަނީ މިއަދު ހަވީރު 16:40 ހާއިރުއެވެ. އެއަށްފަހު ހަނިމާދޫގެ ރައްޔިތުންނާ ބައްދަލުކޮށް ޖޭޕީ ހަނިމާދޫ ޖަގަހައިގައި ޖަލުސާއެއް ބޭއްވުމަށް ވަނީ ނިންމާފައެވެ.
