އެމްއެންޑީއެފް ނޮދަން އޭރިއާ ކޮމާންޑް ހެޑްކުއޯޓަރޒް ހދ.ހަނިމާދޫއަށް ބަދަލުކުރާތީ، އެކަން ފާހަގަކުރުމުގެ ގޮތުން ހަނިމާދޫގައި މިއަދު ބޭއްވުމަށް ހަމަޖެހިފައިވާސިފައިންގެ މިލިޓަރީ ޕެރޭޑް ކުރިއަށްދާނެ މަގުތަށް މިއޮތީއެވެ.
މި ޕެރޭޑް ފަށާނީ ހަނިމާދޫ ސްކޫލް ދެ ނަންބަރު ގޭޓުންނެވެ. ސްކޫލުން ނުކުމެގެން އިރަށް ގޮސް ރަންވޭމަގު ދެކުނަށްގޮސް ހަނިމާދޫ ކައުންސިލް ހަތަރުއަނގޮޅި ކަންމައްޗަށް މި ޕެރޭޑް މަޑު ކުރާނެއެވެ.
އެއަށްފަހު ޕެރޭޑް ދާނީ ރަންވޭމަގު ދެކުނަށް ގޮސް ބޮޑުތަކުރުފާނުމަގަށެވެ. މި މަގުގެ ދެތަނުގައި ޕެރޭޑް މަޑުކުރާނެއެވެ. އެއީ އެސްޓިއޯ ފާމަސީ ހިމެނޭ ސަރަހައްދުއަދި ރޯސްމީޓް 2 ފިހާރަ ދޮރުމަތީގައެވެ. އެއަށްފަހު ޕެރޭޑް ދަނީ ބޮޑުތަކުރުފާނު މަގު ހުޅަނގަށް ގޮސް ދަންޑެހެލު ހިނގުމުން (ބަނދަރު މަގު) އުތުރަށް ގޮސްއަމިނީ މަގުން ދަންޑެހެލު ހިނގުން ގުޅުނު ކަންމައްޗަށެވެ.
ޕެރޭޑް ފެށުމަށް ހަމަޖެހިފައިވަނީ ހަވީރު 16:30 ގައެވެ. ޕެރޭޑަށްފަހު ސިފައިންނާއެކު ފޮޓޯނެގުމުގެ ފުރުޞަތު އާންމުކޮށް ވަނީ ހުޅުވާލާފައި ކަމަށްވެސްއެމްއެންޑީއެފުން ބުންޏެވެ.
