ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދޭ ކަމަށް ބުނާ މައްސަލައެއް އެ އިދާރާއިން ފުލުހުންނަށް ހުށަހަޅައިފިއެވެ.
އެ އިދާރާގެ ކޮމިއުނިކޭޝަންސް ޑިރެކްޓަރު ހަސަން ޒިޔާއު މީޑިއާތަކަށް މައުލޫމާތު ދެއްވަމުން ވިދާޅުވީ އެ މައްސަލަ ފުލުހަށް ހުށަހެޅީ މިއަދު ކަމަށެވެ. ނަމަވެސް އިތުރު ތަފުސީލެއް ނުދެއްވައެވެ.
މަޖިލީހުން މި ފަދަ މައްސަލައެއް ފުލުހަށް ހުށަހަޅާފައިވާ އިރު، މަޖިލިހުގެ ރައީސް މުހައްމަދު ނަޝީދު އިސްވެ ހުންނަވާ އުފެއްދި ޑިމޮކްރެޓްސް ޕާޓީން ބައެއްމެމްބަރުން އެ ޕާޓީން ވަކިވެ، އަލުން އެމްޑީޕީއާ ވަނީ ގުޅިވަޑައިގެންފައެވެ. އެމްޑީޕީއާ އަލުން ގުޅިވަޑައިގަތީ ތޮއްޑޫ ދާއިރާގެ މެންބަރު ހަސަން ޝިޔާން އާއިކުޅުދުއްފުށީ އުތުރު ދާއިރާގެ މެމްބަރު ޔާސިރު އަބްދުއްލަތީފެވެ.
މި މައްސަލަ ހުށައަޅާފައިވާ އިރު، މިއަދު ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވަނީ ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހު މަޖިލީސް މެންބަރުންނަށް ރިޝްވަތުދޭ ކަމަށް ތުހުމަތުކޮށް ޓުވީޓް ކުރައްވާފައެވެ.
