ރާއްޖޭގެ ކަނޑުގެ ހާއްސަ އިގްތިސާދީ ސަރަހައްދުގެ މައްސަލައިގައި އިލްމުވެރިންގެ ގުޅުމުގެ ފަރާތުން ރައީސް އިބްރާހިމް މުހައްމަދު ސޯލިހަށް ދައުވަތު އެރުވިބަހުސް ޖަވާބެއް ހޯދުމަށް އެދި ސިޓީއެއް ފޮނުވައިފިއެވެ.
އިލްމުވެރިންގެ ގުޅުމުން ވިދާޅުވީ، އެ ބައްދަލުވުުމުގައި ކަނޑުގެ މައްސަލައިގައި ސަރުކާރުގެ ނިންމެވުމާއި ދެކޮޅަށް ވާހަކަ ދައްކަމުން ގެންދާ ފަރާތްތަކުންވެސްހުޅުވާލެވިފައިވާ އާންމު ބަހުސަކަށް ދިއުމަށް އެއްބަސްވާ ކަމަށް ރައީސް ވިދާޅުވި ކަމަށެވެ. އަދި އެފަދަ ބަހުސަކަށް ދިއުމަށް ސަރުކާރަށް އިލްމުވެރިންގެގުޅުމުގެ ފަރާތުން ދައުވަތު އަރުވާފައިވާނެ ކަމަށްވެސް ވިދާޅުވިއެވެ.
އަދި އެކަމާގުޅޭގޮތުން އެއީ ވަރަށް ރަނގަޅު ހިޔާލެއް ކަމަށާއި އެކަމާ މެދު ސަރުކާރުގެ ކަމާބެހޭ ފަރާތްތަކާއި އެކު މަޝްްވަރާ ކުރެއްވުމަށްފަހު ވަކިގޮތެއްނިންމަވާނެ ކަމުގެ ޔަގީންކަން މަނިކުފާނު އެ ބައްދަލުވުމުގައި އިލްމުވެރިންގެ ގުޅުމަށް ދެއްވާފައިވާ ކަމަށް އެ ސިޓީގައި ވެއެވެ.
އިލްމުވެރިންގެ ގުޅުމުން ވިދާޅުވީ، އެ ބަހުސްގެ ބާކީ ހުރި ކަންކަން ރާވައި އިންތިޒާމު ކުރުމަށްޓަކައި ފުރިހަމަ ކުރަން ޖެހޭ ކަންކަން ފުރިހަމަ ކުރުމަށްބޭނުންވާއިރު، އެ މަނިކުފާނަށް އަރުވާފައިވާ ދައުވަތާ މެދުގައި ސަރުކާރުގެ ފަރާތުން ދެއްވާ ޖަވާބު ކަށަވަރު ކޮށްދެއްވުމަށް އެދޭ ކަމަށެވެ.
އަދި މި ބަހުސްގައި ބައިވެރިވެވަޑައިގަންވަން ނިންމަވާ ނަމަ، ސަރުކާރު ތަމްސީލު ކުރައްވާނެ ބޭފުޅުންގެ ނަމާއި މަގާމާއި ހައިސިއްޔަތާއި މުހިންމުމައުލޫމާތުތައް ހިއްސާކޮށްދެއްވުން އެދޭ ކަމަށްވެސް އެ ސިޓީގައި ވެއެވެ.
މިއާއެކު، އާންމު ބަހުސްގެ އޮނިގަނޑު އިލްމުވެރިންގެ ގުޅުމުގެ ފަރާތުން މިހާރު ވަނީ އެކުލަވާލާފައެވެ.
