ހަނިމާދޫ ސްކޫލަށް މަތީ ސާނަވީ ކިޔަވައިދިނުމަށް ހުއްދަ ލިބިއްޖެއެވެ. މި ހުއްދަލިބުނުކަން ހަނިމާދޫ ސްކޫލް ޕުރިންސިޕަލް އަބްދުﷲ ނާހިދު ވަނީ ގޮށްކޮޅަށް ކަށަވަރު ކޮށްދެއްވާފައެވެ.
މި ކަމާއި ގުޅިގެން ގޮށްކޮޅަށް ވާހަކަ ދައްކަވަމުން ހަނިމާދޫ ސްކޫލް ޕުރިންސިޕަލް އަބްދުﷲ ނާހިދު ވިދާޅުވީ މިހާރު މަތީ ސާނަވީ އަށް ސައިންސް އަދި ބިޒްނަސް ސްޓްރީމަށް ކިޔަވައިދޭން ހަނިމާދޫ ސްކޫލަށް މިނިސްޓުރީ އޮފް އެށިއުކޭސަނުން ހުއްދަ ދީފައިވާ ކަމަށެވެ.
“މި ސްކޫލް މިއީ ޖާގައިގެ ދަތިކަން އޮތް ސުކޫލެއް، ނަމަވެސް މިހާރު ހުރި ވަސީލަތްތަކުގެ ބޭނުން ހިފާ 11 އަށް ކިޔަވައިދެވޭނެ، ދަރިވަރުންނަށް ކިޔަވައިދޭން ގާބިލު މުދައްރިސުން އެބަތި” އަބްދުﷲ ނާހިދު
މީގެ އިތުރުން އަބްދުﷲ ނާހިދު ވިދާޅުވީ ސައިންސު ކުދިން ބޭނުން ކުރަން ސައިންސު ލެބެއް ނެތަސް މިހާރުވެސް ބައެއް ތަކެތި އެބަހުރި ކަމަށެވެ. އަދި ސައިންސު ލެބެއްގެ ގޮތުގައި ބޭނުން ކުރަން ސެޓަޕެއް ތައްޔާރު ކުރަމަށް މަސައްކަތް ކުރާކަމަށްސް އޭނާ ވިދާޅުވިއެވެ.
“18 ދަރިވަރުންނާ އެކުގައި ކިޔަވައިދޭން މިފަށަނީ، ހަނިމާދޫ ސްކޫލަށް މަތީ ސާނަވީ އަށް ގުޅެން ބޭނުންވާ ދަރިވަރުންނަށް ފުރުސަތު އޮތީ ހުޅުވިފައި”
މި އަންނަ އާދިއްތަ ދުވަހު މަތީ ސާނަވީއަށް ކިޔަވަދޭން ފަށާއިރު 2014 ން 2017 އަށް ހަނިމާދޫ ސްކޫލްގައި ވަނީ މަތީ ސާނަވީއަށް ކިޔަވައިދީފައެވެ.
