އެމްޑީޕީ ޖަލްސާއާ ދިމާވާތީ ޕީއެސްއެމް ބަހުސް ކެންސަލްކޮށް އެންމެ ފަހުން ރައީސް ސޯލިހު “ސަންގު ބަހިސް” ގައި ބައިވެރިވާން ނިންމަވައިފިއެވެ.
މީގެ ކުރިން ރައީސް ސޯލިހު ވަނީ ސަންގު ބަހުސްގައި ބައިވެރިވެވަޑައިނުގެންނެވޭނެކަމަށް އަންގަވާފައެވެ. ނަމަވެސް މިހާރު ނިންމުން ބަދަލުކުރައްވައި ސަންގު ބަހުސްގައި ބައިވެރިވެވަޑައިގަތުމަށް ނިންމިކަމަށް އެމަނިކުފާނުވަނީ ސަންގު ޓީވީ އަށް އަންގާފައެވެ.
މި ބަހުސް އޮންނާނީ އަންނަ ސެޕްޓެންބަރު މަހުގެ 2 ވަނަ ދުވަހުގެ ރެއެވެ.
ސަންގު ބަހުސްގައި ބައިވެރިވެވަޑައިގަންނަވާނީ ސިޔާސީ ޕާޓީތަކުން ވާދަކުރައްވާ ކެންޑިޑޭޓުން އެކަންޏެވެ. އަމިއްލަ ގޮތުން ވާދަކުރައްވާ ކެންޑިޑޭޓުން މިބަހުސްގައި ބައިވެރިވެވަޑައިނުގަންނަވާނެއެވެ.
