އިނިގިރޭސިވިލާތުން މަތީ ތައުލީމު ހާސިމް ކުރުމުގެ ފުރުސަތު ލިބޭ “ކޮމަންވެލްތު ސްކޮލިޝިޕް” އަށް އެދި ހުށަހެޅުމުގެ ފުރުސަތު މިއަދު ހުޅުވާލައިފިއެވެ.
ކޮމަންވެލްތު ސްކޮލިޝިޕަށް އެދި ހުށެޅޭނީ ހަމައެކަނި މާސްޓާސް ޑިގްރީ ލެވެލްއަށް އެކަންޏެވެ. މި ސްކޮލަޝިޕް ލިބޭނީ މާސްޓާސް ޑިގްރީ ހާސިލް ކުރަންބޭނުންވާ ދެ ފަރާތަކަށެވެ. މާސްޓާސް ޑިގްރީގެ ޝަރުތުތަކުގެ ތެރޭގައި ހިމެނެނީ ކިޔަވަން އެދޭ ކޯހަކުން ބެޗްލާސް ޑިގްރީ ހާސިލްކޮށް އަދި ކޮމަންވެލްތުސްކޮލަޝިޕް ކޮމިޝަންގެ ވެބްސައިޓުގައި އިތުރު ޝަރުތެއްވާނަމަ އެ ޝަރުތެއް ފުރިހަމަކޮށްފައިވުމެވެ.
ހަޔާ އެޑިއުކޭޝަން މިނިސްޓްރީން ކުރި އިއުލާނުގައި ބުނެފައި ވަނީ ކޮމަންވެލްތު ސްކޮލަޝިޕަށް އެދި ހުށަހެޅުމުގެ ފުރުސަތު ހުޅުވާލައިފައި ވަނީ މިމަހުގެ 26 ވަނަ ދުވަހުގެ 1:30ގެ ނިޔަލަށް ކަމަށެވެ.
ކިޔަވަން އެދޭ ކޯހާ ގުޅޭ ޝަރުތުތަކުގެ އިތުރުން އިތުރު ޝަރުތުތަކެއް މިނިސްޓްރީގެ އިއުލާނުގައި ފާހަގަކޮށްފައިވާއިރު މި ކޯހާއި ގުޅޭ އިތުރު މަުއުލޫމާތު މިނިސްޓްރީގެ ވެބުސައިޓުގައިވެސް ވަނީ ޝާއިއު ކޮށްފައެވެ.
