ހދ.ހަނިމާދޫ ކައުންސިލުގެ ފަރާތުން ރަށުގައި ކުޅިވަރު އެކެޑެމީއެއް އުފައްދަން ނިންމާފައިވާ ކަމަށް ކައުންސިލުގެ ނައިބު ރައީސް ފިރާޤު މުޙައްމަދު ވިދާޅުވެއްޖެއެވެ.
ހަނިމާދޫގައި ކުުރިއަށް ގެންދިއަ ސްޓޫޑަންޓް ޖާނަލިޒަމް ޕްރޮގްރާމުގެ ދަރިވަރުންނަށް ދެއްވި އިންޓަވިއުއެއްގައި ފިރާޤު ވިދާޅުވީ ކައުންސިލުން ކުޅިވަރު އެކެޑެމީއެއް ހަދަން މިހާރު ފާސްކޮށްފައިވާ ކަމަށެވެ.
އެ އެކެޑެމީން އެންމެ ބޮޑަށް އިސްކަން ދޭނީ ފުޓުބޯޅަ އަށް ކަމަށާއި ނަމަވެސް ކުރިއަށް އޮތް ތަނުގައި އެހެނިހެން ކުޅިވަރުތައްވެސް ކުރިއަށް ގެންދާނެ ކަމަށް ވިދާޅުވިއެވެ.
އެ އެކެޑެމީ އުފެއްދޭނެ ތާރީހެއް ވިދާޅެއް ނުވެއެވެ.
ފިރާގު އިތުރަށް ވިދާޅުވީ، ކައުންސިލުގެ ދައުރު ނިމޭއިރު ހަނިމާދޫގައި ކުޑަކުދިން ކުޅޭނެ އިތުރު ޕާކުތަކެއްވެސް ތަރައްގީ ކުރާނެ ކަމަށެވެ.
ހަނިމާދޫގައި މިވަގުތު އޮތީ އެންމެ ޕާކެކެވެ. އެއީ ބަނދަރުގައި ހަދާފައި އޮންނަ ޕާކެވެެ.
އެޑިޓޯރިއަލްގެ ބަސް: މިއީ ގޮށްކޮޅު އަދި މީޑިއާ ކައުންސިލު ގުޅިގެން، ހަނިމާދޫ ސްކޫލުގެ ދަރިވަރުންނަށް އަމާޒުކޮށް މި މަހުގެ 15 އިން 17 އަށް ކުރިއަށްގެންދިއަ “ސްޓޫޑެންޓް ޖާނަލިޒަމް ޕްރޮގްރާމް” ގެ ބައިވެރިންގެ ފައިނަލް އެސައިންމަންޓަށް ތައްޔާރުކޮށްފައިވާ ލިޔުމެކެވެ. މި ލިޔުން އަސާސްކޮށްފައިވަނީ ހަނިމާދޫ ކައުންސިލުގެ ނައިބު ރައީސް، ފިރާޤު މުޙައްމަދު ދެއްވި އިންޓަވިއުގައި ހިއްސާކުރެއްވި މަޢުލޫމާތުގެ މައްޗަށެވެ.
