އެކި މައްސަލަތަކުގައި ފުލުހުންގެ ބެލުމުގެ ދަށަށް ގެނެސްފައިވާ ތަކެތީގެ ތެރެއިން ހދ. ހަނިމާދޫ ޕޮލިސް ސްޓޭޝަނުގެ ބެލުމުގެދަށުގައި ހުރި ބަނގުރާ ނައްތާލައިފިއެވެ.
މިއަދު ނައްތާލާފައިވަނީ 88 ފުޅި ބަނގުރަލެވެ. މި ތަކެއްޗަކީ 14 މެއި 2025 ވަނަ ދުވަހުން ފެށިގެން 13 ނޮބެންނަރ ނިޔަލަށް ހަނިމާދޫ އެއާޕޯޓަށް ފުރަންދިޔަ ފަތުރުވެރިންގެ އަތުން އޭވިއޭޝަން ސެކިއުރިޓީ ކޮމާންޑުން ނަގައި ފުލުހުންނާ ހަވާލުކޮށްފައިވާ ތަކެއްޗެވެ.
ބަނގުރާ ނައްތާލުން ކުރިއަށް ގެންގޮސްފައިވަނީ ފުލުހުންގެ ބެލުމުގެ ދަށަށް ގެނެވޭ ބަނގުރަލާއި ބަނގުރާގެ މައްސަލަތަކާއި ގުޅިގެން ހިފެހެއްޓޭ ތަކެތި ނައްތާލުމުގައި އަމަލުކުރާ ގޮތުގެ ގަވާއިދުގެ ދަށުން އެކަމަށްޓަކައި އެކުލަވައިލި ކޮމިޓީގެ ބެލުމުގެ ދަށުންނެވެ.
ބަނގުރާ ނައްތާލުމުގެ މިހަރަކާތުގައި ހދ އަތޮޅު ކޮމާންޑަރ
އިންސްޕެކްޓަރ އޮފް ޕޮލިސް އަޙްމަދު ޝިނާން އަދި
ހަނިމާދޫ ޕޮލިސް ސްޓޭޝަންގެ އިންޗާޖް އިންސްޕެކްޓަރ އޮފް ޕޮލިސް މުހައްމަދު ޝަކީލް ބައިވެރިވެވަޑައިގެންނެވިއެވެ.
