ހަނިމާދޫ ބައިނަލްއަޤްވާމީ އެއަރޕޯޓް ބޮޑުކުރުމުގެ މަޝްރޫޢު ނިމި، އެއާޕޯޓް ރަސްމީކޮށް ހުޅެވި ފަހުން، އެއަރޕޯޓަށް ފުރަތަމަ ފަހަރަށް ބޭރު ޤައުމަކުން ޕެސެންޖަރ ޖެޓެއް މިއަދު ވަނީ ޖައްސާފައެވެ.
މިއަދު ހެނދުނު 9:40 ގައި ހަނިމާދޫ އެއަރޕޯޓަށް ޖެއްސި ޚާއްސަ ޖެޓުގައި 11 ދަތުރުވެރިން އައިސްފައިވެއެވެ.
މި ޖެޓަށްޓަށް މަރުޙަބާ ކިޔުމަށްޓަކައި އެއަރޕޯޓުގައި ވަނީ ބޮޑުބެރުގެ ހަރަކާތާއެކު ދަތުރުވެރިންނަށް ހޫނު މަރުޙަބާއެއް ކިޔާފައެވެ.
މިކަމަކީ، ހަނިމާދޫއާއި އުތުރުގެ ރަށްތަކަށް ފަތުރުވެރިކަން އިތުރަށް ފުޅާވެ، ސީދާ ބައިނަލްއަޤްވާމީ ދަތުރުތައް އިތުރުކުރުމަށް މަގުފަހިވެގެންދާނެ ކަމެއް ކަމަށް ބެލެވެއެވެ.
