ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) ގެ ޗީފް އިންޓާނަލް އޮޑިޓަރު (ސީއައިއޭ)ގެ މަގާމަށް އާ ބޭފުޅަކު އައްޔަން ކުރަން ނިންމައިފި އެވެ.
ސަރުކާރުގެ އެންމެ ބޮޑު ކުންފުނީގެ ސީއައިއޭގެ މަގާމަަށް އައްޔަން ކުރަން ނިންމާފައިވަނީ ހައްވާ ސ. ހިތަދޫ/ އޭނާޒް، ހައްވާ ނާފިއާ އެވެ. އޭނާ އެ މަގާމާ ހަވާލު ވާނީ އަންނަ މަހުގެ ފުރަތަމަ ދުވަހުން ފެށިގެންނެވެ.
ސީއައިއޭގެ މަގާމަށް އާ ބޭފުޅަކު ހަމަޖައްސަން ނިންމާފައިވަނީ އެ މަގާމުގައި ހުންނެވި ޑރ. އިބްރާހިމް މަހްފޫޒު ފެބުރުއަރީ އެކަކުން ފެށިގެން އެ ކުންފުނިން ވަކިވެވަޑައިގަންނާތީ އެވެ.


