ކޮވިޑުގައި އިތުރު ދިވެއްސަކު ނިޔާވެ ކޮވިޑުގައި ރާއްޖެއިން ދުނިޔެ ދޫކުރި މީހުންގެ އަދަދު 83 އަށް އަރައިފިއެވެ.
އެޗްޕީއޭއިން ބުނެފައިވަނީ އިއްޔެ އައިޖީއެމް ހޮސްޕިޓަލުގެ އީއާރަށް ގެނައި އުމުރުން 83 އަހަރުގެ ދިވެހި އަންހެނަކު މިރޭ 11:15 ހާއިރު ނިޔާވެފައިވާކަމަށެވެ.
މި މަރާއެކު ކޮވިޑުގެ މަރުގެ އަދަދު މިވަނީ 83 އަށް އަރާފައެވެ. އަދި ފާއިތުވި ދެ ދުވަހު މަރުވި އަދަދު މިވަނީ ނުވަޔަކަށް އަރާފައެވެ.