ހަނިމާދޫ ސްކޫލްގެ ސްވިމިންގ ޓީމަށް އެކިގޮތް ގޮތުން އެހީތެރިކަން ފޯރުކޮށްދެއްވި ފަރާތްތަކަށް ޝުކުރު އަދާކޮށް އެފަރާތްތަކުގެ އަގުވަޒަންކޮށް އެފަރާތްތަކަށް ހަނދާނީ ލިޔުން ހަވާލުކޮށްފިއެވެ.
މި ހަނދާނީ ލިޔުން ހަވާލުކުރުމާއި އަގުވަޒަން ކުރުމުގެ ހަފުލާ ކުރިއަށް ގެންގޮސް ފައިވަނީ ބުރާސްފަތި ދުވަހުގެ ހަވީރު ހަނިމާދޫ ސްކޫލް މަލްޓިޕާރޕަސް ރޫމްގައެވެ.
މިހަފުލާގައި ވަނީ ހަނިމާދޫ ސްކޫލް ސްވިމިންގ ޓީމަށް އެހީތެރިކަން ފޯރު ކޮށްދެއްވާފައިވާ ހަނިމާދޫގެ މުއައްސަސާތަކަށާއި އެޓީމުގެ ކޯޗް ކަންކޮދެއްވާފައިވާ މުޙައްމަދު މުސްޠަފާއަށް ވަނީ ހަނދާނީ ލިޔުން ހަވާލުކޮށްފައެވެ. މިލިޔުންތައް ހަވާލު ކޮށްދެއްވީ ހަނިމާދޫ ސްކޫލް ޕްރިންސިޕަލް އަލްފާޟިލް ޢަބްދުﷲ ނާހިދު އެވެ.
މި ހަފުލާގައި ވާހަކަ ދައްކަވަމުން ޕްރިންސިޕަލް ވަނީ ޓީޗަރުންނާއި ބެލެނިވެރިން، ސްވިމިންގ ޓީމަށް ކޮށްދެއްވި ބުރަ މަސައްކަތް ފާހަގަކޮށް އެފަރާތްތަކަށް ޝުކުރު އަދާކޮށްފައެވެ.
ހަފުލާ ނިންމާލީ ދަރިވަރުންގެ ޝުޢޫރު ފާޅުކުރުމުގެ ވަގުތު ކޮޅެއް ހޭދަކުރުމަށްފަހު ހަފުލާއަށް ޚާއްސަ ކޮށްފައިވާ ކޭކެއް ފެޅުމުގެ ހަރަކަތަކާއިއެކު ބިލެތް މީރު ކޮށްލުމަކުންނެވެ.
