2024 ވަނަ އަހަރުގެ ސެޕްޓެމްބަރު މަހުގެ 3 ވަނަ ދުވަހުގެރޭ ހަނިމާދޫ ސްކޫލުގައި ކުރިއަށް ގެންދިއަ އިފުތިތާހީ ޙަފުލާ ގައި ހަނިމާދޫ ސްކޫލްގެ މަލްޓިޕާޕަސް ހޯލުގެ ނަން “އެދުރުބޭ މާލަން” ނަމުގައި އިޢުލާން ކޮށްދެއްވީ ހަނިމާދޫ ސުކޫލްގެ ޕްރިންސިޕަލް އަލްފާޟިލް ޢަބްދުﷲ ނާހިދުއެވެ.
އިތުރަށް ވާހަކަފުޅު ދައްކަވަމުން އަބުދުﷲ ނާހިދު ވަނީ ހަނިމާދޫ ސްކޫލް ހޯލަށް އެދުރުބޭ މާލަމުގެ ނަން ދިނުމަށް ނިންމެވި ނިންމެވުން ތަފުސީލު ކޮށްދެއްވާފައެވެ.
އެގޮތުން މިނިންމުމަކީ ހަނިމާދޫ ސްކޫލްގެ މެނޭޖުމަންޓުން ނިންމެވި ނިންމުމެކެވެ. ހަނިމާދޫ ސްކޫލް މެނޭޖުމަންޓުން ސްކޫލް ހޯލަށް “އެދުރުބޭ މާލަން” މިނަމުން ނަން ދިނުމަށް ނިންމެވީ ހދ ހަނިމާދޫ ކުދިވިނަގޭ މުޙައްމަދު ޢުމަރު (އެދުރުބޭ) ތަޢުލީމީ ރޮނގުން ގިނަގުނަ މަސައްކަތްތަކެއް ހަނިމާދޫއާއި ހަނިމާދޫ ސްކޫލަށް ކޮށްދެއްވާފައި ވާތީ އެދުރުބޭގެ އަގުހުރި ޚިދުމަތުގެ އަގު ވަޒަން ކުރުމަށާއި އަދުގެ ކިޔަވާ ކުދިންނަށް އެދުރުބޭގެ ހިތްވަރުން ހިތްވަރު ލިބި އެފަދަ ރިވެތި މިސާލުން ޢިބުރަތް ހާސިލުކުރުމަށެވެ . އަދި ހަނިމާދޫ ސްކޫލްގައި މިހާރުވެސް ބޭނުން ކުރަމުން އަންނަ ސްކޫލް ދިދައާއި ސްކޫލް ބެޖުވެސް ފަރުމާ ކޮށްދެއްވާފައިވަނީ އެދުރުބޭ ކަމުގައި ވީތީއެވެ.
ހަނިމާދޫގެ ތަޢުލީމީ ކުރިއެރުން މިހިސާބަށް ގެނެސްދެއްވުމުގައި އެދުރުބޭގެ ހިއްސާ ނުހަނު ބޮޑުކަން ޕްރިންސިޕަލް ފާހަގަ ކުރެއްވެވިއެވެ. އޭގެ އިތުރުން އެދުރުބެ އަކީ ޖިސްމާނީ ނުކުޅެދުންތެރިކަން ޅަ އުމުރުން ފެށިއިގެން ހުންނަވާ ބޭފުޅެއް ނަމަވެސް އެކަން އެދުރުބޭގެ ހިތްވަރުން ނުދައްކަވާ ހަނިމާދޫގެ އިތުރުން ކައިރި ބައެއް ރަށްރަށާއި ހިސާބަށް ތަޢުލީމީ ޚިދުމަތް ވަނީ ފޯރު ކޮށްދެއްވާފައިވާކަން ފާހަގަ ކުރެއްވެވިއެވެ.
ހަނިމާދޫގެ ފަޚުރުވެރި އެދުރުބޭ ! https://gohkolhu.com/1536/
