ކީރިތި ޤުރްއާން ކިޔެވުމުގެ 34 ވަނަ ޤައުމީ މުބާރާތް، އަންނަ ޑިސެމްބަރު މަހުގައި ބާއްވާ ގޮތަށް ނިންމައިފިއެވެ.
ކީރިތި ޤުރްއާނާބެހޭ ޤައުމީ މަރުކަޒުން ހާމަކުރި ގޮތުގައި މި އަހަރުގެ މުބާރާތް ބާއްވަން ނިންމާފައިވަނީ އަންނަ ޑިސެމްބަރުމަހުގެ 19 ވަނަ ދުވަހުގައެވެ.
ވަރޗުއަލްކޮށް ކުރިއަށް ގެންދިއުމަށް ހަމަޖެހިފައިވާ މި މުބާރާތާގުޅޭ ގަވާއިދު ފަހުން އިއުލާނުކުރާާނެކަމަށް އެ މަރުކަޒުން ހާމަކޮށްފައިވެއެވެ.
މި މުބާރާތަކީ ކޮންމެ އަހަރަކު ވެސް ކީރިތި ޤުރްއާނާބެހޭ ޤައުމީ މަރުކަޒުން ބާއްވަމުންގެންދާ މުބާރާތެކެވެ.
