ހދ. ހަނިމާދޫ މަގު ހެދުމުގެ މަޝްރޫޢުގެ ދަށުން ކާރނޭޝަން މަގުގައި ޖަހާފައިވާ ޑިވައިޑަރތަކުން ބައެއް އަނެއްކާވެސް ވައްޓާލައިފިއެވެ. ރޭ ވައްޓާލައިފައިވަނީ، ކާނޭޝަން މަގުން (ރަސްމީ ބޯޅަދަނޑުގެ ދެކުނު ފަރާތު މަގު) ހުޅަގަނގަށް ގޮސް ސުވާސާ ހިނގުމާއި ފިޔާތޮށި ހިނގުމާއި ދެމެދު ގައިވާ ޑިވައިޑަރތަކެވެ. ހަނިމާދޫގެ މަގު ހެދުމުގެ މަޝްރޫޢުގެ އަމަލީ މަސައްކަތް ކުރަމުންދަނީ އެމް.ޓީ.ސީ.ސީގެ ފަރާތުންނެވެ. ރޭ ވައްޓާލަފައިވަނީ 2 މީޓަރުގެ 16 ގަލެވެ. މިއީ ޑިވައިޑަރތައް ވައްޓާލި ދެވަނަ ފަހަރެވެ.
