18 އަހަރުގެ ދަށުގެ ކުއްޖަކަށް ޖިންސީގޯނާ ކުރި މައްސަލައެއް ފުލުހުން ބަލަން ފަށައިފި އެވެ.
ފުލުހުންގެ މީޑިއާ އޮފިޝަލް މިއަދު ވިދާޅުވީ ޖިންސީ ގޯނާގެ މައްސަލައިގައި ތުހުމަތު ކުރެވެނީ އިތުބާރު ކުރެވޭ މަގާމެއްގައި ހުރި މީހަކަށް ކަމަށާއި، އެނާ ވަނީ 18 އަހަރުން ދަށުގެ އަންހެން ކުއްޖަކަށް ޖިންސީ ގޯނާ ކޮށްފައި ކަމަށެވެ.
މައުލޫމާތު ލިބިފައިވާ ގޮތުގައި މި މައްސަލައަކީ ދޮންބައްޕައަކު އޭނާގެ ދޮންދަރިއަށް ޖިންސީ ގޯނާކުރި މައްސަލައެކެވެ. މި ހާދިސާ ހިނގާފައި ވަނީ މާލޭ ސިޓީގެ ހުޅުމާލޭގަ އެވެ.
ކުޑަކުދީންނަށް ކުރާ ޖިންސީ ގޯނާގެ މައްސަލައް ހުށަހަޅާ މިންވަރު މި ފަހަކަށް އައިސް ވަނީ ވަރަށް ބޮޑަށް އިތުރު ވެފަ އެވެ. އަދި އެ ފަދަ މައްސަލަތައް ވަރަށް ސީރިއަސްކޮށް ބަލަމުން އަންނަ ކަމަށް ފުލުހުން ބުނެ އެވެ.
