ރަށެއްގައި އުޅުނު ދުވަސްވީ ދެމަފިރިންނެވެ. ދެމަފިރިން ކުރެން، ފިރިމީހާއަށް ފާހަގަކުރެވުނީ، ފަހަކަށް އައިސް އަންހެން މީހާގެ އިވުމުގައި މައްސަލައެއް އުޅޭ ކަމެވެ. ކޮންމެ އަކަސް ފިރިހެން މީހާ ނިންމީ އޭނާގެ އަންހެނުން ޑޮކުޓަރަށް ދައްކާލައި ޗެކްކޮށްލާށެވެ.
ޑަކުޓަރުގެ އެޕޮއިންޓުމަންޓު ލިބުނީ ދެ ހަފްތާ ފަހުގެ ތާރީޚެއްގައެވެ. އެ ދުވަސް ޖެހެންވާ އިރަށް އަންހެނުންގެ އިވުން ހުރި ގޮތް ލަފާ ކޮށްލުމުގެ ގޮތުން، ގޭގައި ޓެސްޓެއް ހަދާލަން ޑޮކުޓަރު އެދުނެވެ. ތިރީސް ފޫޓު ދުރު މިނުގައި ހުރެ އަންހެނުންނަށް ގޮވާލުމަށެވެ. ނީވުނު ނަމަ، ވިހި ފޫޓަށް ކައިރިވެލާފައި ގޮވާލުމަށެވެ. ދެން، އަންހެނުންނަށް އިވެންދެން، އެގޮތަށް، ދިހަ ފޫޓުން ކައިރިވަމުން ގޮވަމުން ގެންދިޔުމަށެވެ. އަންހެނުންގެ އިވުމުގެ ބާރު ހުރި ނެތް ވަރު އަޖުމަކޮށްލުމުގެ ގޮތުންނެވެ.
ކޮންމެ އަކަސް އަނެއް ދުވަހު ހަވީރު ގެއަށް ވަދެފައި، އަންހެނުން ބަދިގޭ ސައި ހަދަން އުޅޭ ތަން ފެނުމުން، ފިރިމީހާ ގޮވާލިއެވެ. ދަލޭކާއެވެ. ސަޔަށް ތިހަދަނީ ކޮން އެއްޗެއް ހެއްޔެވެ؟ ޖަވާބެއްގެ އަޑު ނީވުމުން ކައިރިވެލާފައި އަނެއްކާވެސް ގޮވާލިއެވެ. ދަލޭކާއެވެ ސަޔަށް ތިހަދަނީ ކޮން އެއްޗެއް ހެއްޔެވެ؟ މިފަހަރު ވެސް ޖަވާބެއްގެ އަޑު ނީވުމުން، ޑަކުޓަރުގެ އިރުޝާދާ އެއްގޮތަށް އަނެއްކާވެސް ދިހަ ފޫޓަށް ކައިރިވެލާފައި ހަމަ އެހެން ގޮވާލިއެވެ. ހަތަރު ވަނަ ފަހަރު ގޮވާލުމުން، ޖަވާބުގައި ދަލޭކަ ބުނި އަޑު އިވުނެވެ. ލޯބިކޮޅާ ހަސަނާއެވެ. ބޯކިބަލެވެ. ބޯކިބަލެވެ. މިހާރު މިހެން ހަތަރު ފަހަރު ބުނެވިއްޖެއެވެ!
