ކެތިއަރާއިން އިންތިޒާމު ކޮށްގެން ކުރިއަށް ގެންދާ ހެޕީމާކެޓް އީދު އުފާ ވޮލީ މުބާރާތުގެ ތަށި އުއްމީދު އަދި ޔޫތު ފުރެންޑްސް އުފުލައިލާފިއެވެ.
ރޭ ހަނިމާދޫ އިޖުތިމާއި މަރުކަރު ގޯތިތެރޭ ކުޅެވުނު ފުރަތަމަ ފައިނަލުގައި ވާދަކުރީ އުއްމީދު އަދި ސުޕާކު އެވެ. މިމެޗު 3 ސެޓުން ކާމިޔާބު ކުރީ އުއްމީދު އެވެ.
ފުރަތަ ދެ ސެޓު ގައި ވާދަވެރި ކުޅުމެއް ފެނިގެން ދިޔަ އިރު 25-22 ދެ ސެޓު ވެސް ކަމިޔާބުކުރީ އުއްމީދެވެ.
ތިންވަނަ ސެޓުގައި 25-13 ފަސޭހަކަމާއިއެކު ވަނީ އުއްމީދު ކާމިޔާބުކޮށްފައެވެ. މި މެޗުގެ މޮޅު ކުޅުންތެރިޔަކަށް ހޮވިފައިވަނީ އުއްމީދު ޓީމުގެ ޖާޒީ ނަންބަރު 7 ރިފުގާ މުނާ އެވެ.
ރޭ ކުޅެވުނު ދެވަނަ ފައިނަލު ގައި ވާދަކުރީ ޔޫތު ފުރެންޑްސް އަދި ކޮޅުދާލި އެވެ. ސީދާ 3 ސެޓުން މި މެޗު ކާމިޔާބު ކުރީ ޔޫތު ފުރެންޑްސް އެވެ. މުޅި މެޗުގައި ވާދަވެރި ކުޅުމެށް ފެނިގެން ދިޔައިރު ފުރަތަމަ ސެޓު 25-23 ދެވަނަ ސެޓު 26-24 ތިންވަނަ ސެޓު 25-22 ކާމިޔަބު ކުރީ ޔޫތު ފުރެންޑްސް އެވެ.މި މެޗުގެ މޮޅު ކުޅުންތެރިޔަކަށް ހޮވިފައިވަނީ ޔޫތު ފުރެންޑްސް ޓީމުގެ ޖާޒީ ނަންބަރު 16 ޞާދިގު މޫސާއެވެ.
ޗެމްޕިއަން ޓީމަށް ތަށި ހަވާލު ކޮށްދެވީ ފައިނަލް މެޗުގެ ޝަރަފުވެރި މެހެމާން ހައްވާ ނާޒިމާ އެވެ.
