ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫން ނަންބަރު 7/2010 ގެ 56-7 ވަނަ މާއްދާގެ ށ ގައި ބަޔާންކޮށްފައިވާ ގޮތަށް ހަނިމާދޫ ޑަބްލިޔު.ޑީ.ސީން ނެރެފައިވާ ރިޕޯޓަށް އަވަސް ނަޒަރެއް ހިންގާލާނަމެވެ.
މި ރިޕޯޓުގައި ޑަބްލިޔު.ޑީ.ސީ ޙާޒިރީ، ހިންގުމަށް ރޭވިފައިވާ ޙަރަކާތްތަކުން ޙާޞިލްކުރެވު މިންވަރު، ހިންގުނު ހަރަކާތައް، 2021 އަށް ތާވަލްކޮށް ނުކުރެވުނު ކަންތައް، ޑަބްލިޔު.ޑީ.ސީ މާލީ ހިސާބު، 2022 ވަނައަހަރު ކުރަން ރާފައިވާ ކަންތައް އަދި ފާއިތުވި އަހަރުގެ ބައްދަލުވުންތަކުގެ ނިންމުތައް ހިމަނާފައިވެއެވެ.
ޑަބްލިޔު.ޑީ.ސީ ޙާޒިރީ
ހަނިމާދޫ ޑަބްލިޔު.ޑީ.ސީގެ 26 ޖަލުސާ މިދިޔަ އަހަރު ބޭއްވިއިރު ހުރިހާ ޖަލުސާއަށް ހާޒިރުވީ ޑަބްލިޔު.ޑީ.ސީ ރައީސާ އައިޝަތު ޝިއުނީ އަދި މެންބަރު އައިޝަތު ޢާސިމް އެވެ. ޑަބްލިޔު.ޑީ.ސީގެ ނައިބު ރައީސާ ޖަޒްމީނާ މުހައްމަދު ވަނީ އެއްދުވަސް ސަލާމް ބުނެފައެވެ. ޑަބްލިޔު.ޑީ.ސީ މެންބަރު ޒުނޭރާ އަލީ އަދި ފާތުމަތު އަޙްމަދު ވަނީ 3 ދުވަހު ސަލާން ބުނެފައެވެ.
ހިންގުމަށް ރޭވިފައިވާ ޙަރަކާތްތަކުން ޙާޞިލްކުރެވު މިންވަރު
ހިންގުމަށް ރޭވިފައިވާ ޙަރަކާތްތަކުގެތެރެއިން އިޖްތިމާއީ ތަރައްޤީ ދާއިރާއިން %100 އިންސައްތަ އަދި ތައުލީމީ ދާއިރާއިން %20 ވަނީ ހަސިލްކޮށްފައެވެ. އިޤްދިޞާދީ ފުދުންތެރިކަމުން %50 އިންސައްތަ ހަސިލްކުރިއިރު އުމްރާނީ ތަރައްޤީ %40 އިންސައްތަ އަދި ހޭލުންތެރިކަން/ގުޅިގެން މަސައްކަތް ކުރުން %70 އިންސައްތަ ހާސިލްކޮށްފައިވެއެވެ. މީގެ އިތުރުން ތިމާވެށިގެ ދާއިރައިން %50 އިންސައްތަ ހާސިލްކޮށްފައިވެއެވެ.
2021 ވަނަ އަހަރު ހިންގުނު ހަރަކާތައް
- 01 އޮކްޓޫބަރ ގައި ފަތުރުވެރިންގެ ދުވަސް ފާހަގަކުރުން
- 02 އޮކްޓޫބަރ ގައި އަންހެނުންގެ ކޮމެޓީ މަހާސިންތާ ހަނިމާދޫގައި ބޭއްވުމަށް އަތޮޅު ކައުންސިލްގެ ފަރާތުން ސްކޫލުގެ މެނޭޖްމަންޓާ އެކު ބޭއްވި ބައްދަލުވުގައި ބައިވެރިވުން
- 23 ސެޕްޓެންބަރ ހދ.އަތޮޅު ތަރައްޤީގެ ތައްޔާރުވުމަށް ދޮންވެލި ސާފުކުރުން
- 19 އޮގަސްޓް ލޭންޑް ޔޫސް ޕްލޭން ހެދުމުގެ މަސައްކަތުގައި ކައުންސިލް މެންބަރުންނާއި ބައްދަލުކުރުން
- 13 އޮގަސްޓް ޒުވާނުންގެ ދުވަހާއި ގުޅިގެން ބީޗް ސާފުކުރުން، އަންހެން ބޭފުޅުންނަށް ޓާސްކު ގޭމް ތަކެއް ބޭއްވުން
- 13 އޮގަސްޓް، ޒުވާނުންގެ ދުވަހާއި ގުޅިގެން 1 ޑޭކަޕް ވޮލީ މެޗެއް ކުރިޔަށް ގެންދިއުން
- 08 އޮކްޓޯބަރ ، ލޯކަލް ގަވަރމަންޓް އޮތޯރިޓީގެ ސީއީއޯއާއި ބައްދަލުކުރުން
- 2 ނޮވެމްބަރ ، ކާދޫ އުފެއްދުމަބެހޭ މައުލޫމްތު ދިނުމުގެ ބައްދަލުވުމެއް ބޭއްވުން
- 18 ޖުލައި، ރައީސުލްޖުމްހޫރިއްޔާ އަދި މަހާ ރެހެންދީ ފަޒުނާއާ ބައްދަލުކުރުން
- ސެޕްޓެމްބަރ ، ކައުންސިލާއި ގުޅިގެން ފަތުރުވެރިންގެ ދުވަސް ފާހަގަ ކުރުން
- 20 އޮގަސްޓް، މަޅުގަނޑު މޫދު ސާމާނު ބައްހައްޓާތަން ސާފުކުރުން
- 23 އޮގަސްޓް އީޓް ބޭފުޅުންނާއި ބައްދަލުކުރުން
- 1 ސެޕްޓެންބަރ ހަތިފުށީ އަވަށު ރައްޔިތުންނާއި ބައްދަލުކުރުން
- 25 ޖުލައި، ހަނިހޭޅި ސާފުކުރުން
- 21 މެއި، ފަލަސްތީނާ އެކު ދިވެހިން ހިނގާލުމުގައި ބައިވެރިވުން
2021 ތާވަލްކޮށް ނުކުރެވުނު ކަންތައް
ފުރަތަމައީ އަންހެނުންގެ ކޮމެޓީގެ ވެބްޕޯރޓަލް ތައްޔާރުކުރުން މިކަން ނުވީ، މިކަން ކޮދޭނެ ފަރަތެއް ހޯދަން 3 ފަހަރު އިއުލާން ކޮށްގެންވެސް އެއްވެސް ފަރާތެއް ކުރިމަތި ލާފައި ނުވާތީ ކަމަށް ޑަބްލިޔު.ޑީ.ސީ ބުނެއެވެ. ދެވަނައީ ފަތަން ދަސްކޮށްދިނުމުގެ ކޯސް ، މިކަން ނުވީ ރަށުތެރޭގައި ރޯގާއެއް ފެތުރެމުން ދާތި ތާރީހަށް ބަދަލު ގެނެވުމުން ކަމަށް ޑަބްލިޔު.ޑީ.ސީ ބުނެއެވެ. ތިންވަނަ ކަމަކަށް ޑަބްލިޔު.ޑީ.ސީ ބުނީ މަގުތަކުގައި ފެންފޯއް ރުއް ޖެހުމެވެ. މިކަން ނުވީ އެގްރިކަލްޗާ އިން ކައުންސިލަށް ހިލޭ ގަސް ފޯރުކޮއްދޭން ނިންމާފައިވާތީ ޑަބްލިޔު.ޑީ.ސީގެ ފައިސާއިން އެކަންކުރަން ސެކެރެޓަރީ ޖެނެރަލް ހުއްދަ ނުދިނުމުނއކަމަށް ޑަބްލިޔު.ޑީ.ސީ ބުނެއެވެ.
ޑަބްލިޔު.ޑީ.ސީ މާލީ ހިސާބު
ދައުލަތުން ދޭ ބްލޮކް ގްރާންޓްގެ ގޮތުގައި 400،442.58 ލިބުނުއިރު ހަރަދުވީ 361600.01 ރުފިޔާއެވެ. 2021 ގެ ނިޔަލަށް ބަޖެޓް ބާކީ ހުރީ 38،842.57 ރުފިޔާއެވެ.
ދައުލަތުން ދޭ ބްލޮކް ގްރާންޓްގެ ބަޖެޓް، ރިކަރެންޓް ހަރަދު
ޑަބްލިޔު.ޑީ.ސީ އެލަވެންސް 400442.58 ލިބުނުއިރު ހަރަދުވީ 57000.00 ރުފިޔާއެވެ. އޮފީސް ހިންގުމަށް ބޭނުންވާ ހިދުމަތުގެ ހަރަދުން ހަރަދުވީ 42053.00 ރުފިޔާ އެވެ.
ޖުމުލަ 400442.58 ލިބުނުއިރު ހަރަދުވީ 99053.00 ރުފިޔާއެވެ. އަދި 2021 ވަނަ އަހަރުގެ ނިޔަލަށް ބަޖެޓް ބާކީ ހުރީ 301389.00 ރުފިޔާއެވެ.
ނޯޓް: ހަނިމާދޫ ޑަބްލިޔު.ޑީ.ސީ 2022 ވަނައަހަރު ކުރަން ރާފައިވާ ކަންތައް އެހެން ރިޕޯޓެއްގައި ތަފްސީލްކޮށް ބަލައިލާނަމެވެ.
