ވެރިކަމާއި ހަވާލުވުމަށްފަހު ޣައްދާރުވާ މީހުންގެ ޝަރީއަތް ހިންގާނަން – ޕީޕީއެމް

ޚަބަރު ފަހުގެ

ދެން އަންނަ ޕީޕީއެމް ވެރިކަމެއްގައި ޤައުމަށް ޣައްދާރުވެފައިވާ މީހުންގެ ޝަރީއަތްތައް ހިންގާނެ ކަމަށް އިދިކޮޅު ފަރާތްތަކުން ބުނެފިއެވެ.

މިރޭ ބޭއްވި ނޫސްވެރިންގެ ބައްދަލުވުމެއްގައި އިދިކޮޅު ޕީއެންސީގެ ރައީސް، އަބްދުއްރަހީމް ވިދާޅުވީ ސަރުކާރު އޮތީ ނޭވާހޮޅިޔަށް އެޅިފައި ކަމަށާއި ދެންލާނީ ފަހު ނޭވާ ކަމަށެވެ. އަދި އެއަށްފަހު ދެން އަންނާނީ ޕީޕީއެމްގެ ވެރިކަމެއް ކަމަށާއި އެ ވެރިކަމުގައި ޣައްދާރުވި މީހުންގެ މައްޗަށް ޝަރީއަތް ހިންގާނެކަމަށް އަދުރޭ ވިދާޅުވިއެވެ.

އިޝްތިހާރު
އިޝްތިހާރު

މީގެ އިތުރުން ފުލުހުންނާއި ސިފައިންނަށްވެސް ވަރުގަދަ އިންޒާރެއް އަދުރޭ ދެއްވިއެވެ. މިގޮތުން ޣައިރު ޤާނޫނީ އަމުރު ކުރާ ފަރާތްތަކާއި އެފަދަ އަމުރުތަކަށް ތަބާވާ ފަރާތްތަކުގެ މައްސަލަވެސް ބަލާނެ ކަމަށް އަދުރޭ ވިދާޅުވިއެވެ.

“ހައްޤު އަދަބު ދޭން ޖެހޭ ފަރާތްތަކަށް ދިނުމަށް ޕީޕީއެމްގެ ސަރުކާރަކުން ފަހެއް ނުޖެހޭނެ” އަދުރޭ ވިދާޅުވިއެވެ.

އަންނަ ހުކުރު ދުވަހު ބޭއްވުމަށް ހަމަޖެހިފައިވާ މުޒާހަރާ އާއި ގުޅޭގޮތުން ވާހަކަ ދައްކަވަމުން އަދުރޭ ވިދާޅުވީ ފުލުހުން އިންޒާރު ދިނަސް މުޒާހަރާ އޮންނާނެ ކަމަށާއި ރަށްރަށުން 20،000 އަަށްވުރެ ގިނަ މީހުން މުޒާހަރާއަށް އަންނަން ތައްޔާރަށް ތިބި ކަމަށެވެ. އަދި ރައްޔިތުން ނުހުއްޓުވޭނެ ކަމަށާއި ރޭވިފައިވާ ގޮތަށް މުޒާހަރާ ކުރިއަށް ދާނެކަމަށް ވިދާޅުވިއެވެ.

އިދިކޮޅުން މުޒާހަރާ ރާވާފައި ވަނިކޮށް ފުލުހުން ވަނީ އެއީ ޤާނޫނާއި ހިލާފަށް ހިންގޭ ހަރަކާތެއް ކަމަށާއި އެ ހަރަކާތް ހުއްޓުވާނެ ކަމަށް ބުނެ ރައްޔިތުންނަށް އިންޒާރު ދީފައެވެ.

އިޝްތިހާރު ޖެއްސެވުމަށް ގުޅުއްވާ

ޚިޔާލު ފާޅުކުރައްވާ