2019 ވަނަ އަހަރު ޕީޕީއެމް އިން ހުށަހަޅާފައިވާ އޮޑިޓް ރިޕޯޓްގައި ސިޔާސީ ޕާޓީގެ ގާނޫނާ އެއްގޮތަށް ފައިސާގެ ހިސާބުތައް ބަލަހައްޓާފައި ނުވާތީ އެޕާޓީ 50،000 ރުފިޔާ އިން ޖޫރިމަނާ ކޮށްފިއެވެ.
ކޮންމެ މީލާދީ އަހަރެއްވެސް ނިމޭތާ ގިނަ ވެގެން 90 ދުވަހުގެ ތެރޭގައި އަހަރީ ހިސާބުތައް އޮޑިޓާ ޖެނެރަލް ގަބޫލުކުރާ އޮޑިޓަރަކު މެދުވެރިކޮށް އޮޑިޓު ކުރުމަށްފަހު އޮޑިޓް ރިޕޯޓް އިލެކްޝަން ކޮމިޝަނަށް ހުށަހަޅަން ޖެހޭނެ ކަމަަށް ސިޔާސީ ޕާޓީތަކުގެ ގާނޫނުގައި ބުނެފައި ވެއެވެ.
އީސީން ވަނީ މިމަހުގެ 10 ވަނަ ދުވަހުން ފެށިގެން އެއްމަސް ދުވަހުގެ ތެރޭގައި އެފައިސާ ދެއްކުމަށް ވެސް އެ ޕާޓީއަށް ވަނީ އަންގާފައެވެ.