މާލޭގައި ގްރޫޕު ހަދައިގެން ގެއަކަށް ވަދެ މާރާމާރީ ހިންގައިފިއެވެ.
ފުލުހުން ބުނީ މި ހާދިސާގެ ރިޕޯޓު ލިބިފައިވަނީ ރޭ 10:45 ހާއިރު ކަމަށެވެ. މިމާރާމާރީގައި ތިން މީހަކަށް ވަނީ އަނިޔާވެފައެވެ. އެ މީހުންނަށް ހޮސްޕިޓަލްގައި ފަރުވާ ދީފައިވާކަމަށް ފުލުހުން މަޢުލޫމާތުދެއެވެ. އެހެންނަމަވެސް އެ މީހުންނަށް ލިބުނު އަނިޔާތަކުގެ ތަފްސީލެއް ފުލުހުން ނުދެއެވެ.
މި ޙާދިސާގައި އަނިޔާވެފައިވަނީ 23 އަހަރާއި 35 އަހަރާއި 36 އަހަރުގެ ތިން ފިރިހެނުންނަށެވެ.
މާރާމާރީއާ ގުޅިގެން މިހާތަނަށް އެއްވެސް މީހަކު ހައްޔަރު ނުކުރާ ކަމަށާއި މައްސަލައިގެ ތަހުގީގު ހިންގަމުންދާ ކަމަށް ފުލުހުންވަނީ ބުނެފައެވެ.
