ހުޅުމާލޭ ޖަލުން ހަ މީހަކު ކޮވިޑަށް ފައްސިވެއްޖެކަން ކަރެކްޝަނަލް ސާވިސަސް އިން ހާމަ ކޮށްފިއެވެ.
ކަރެކްޝަންސުން ބުނީ ކޮވިޑަށް ފައްސިވެފައިވަނީ އިމިގްރޭޝަން ގާނޫނާ ހިލާފުވެގެން ފުރުވާލެވެންދެން ހުޅުމާލެ ޑިޓެންޝަން ސެންޓަރުގައި ބައިތިއްބާފައި ތިބި ބިދޭސީ ފަސް މީހަކާއި، ހުޅުމާލެ ޖަލުގައި ހުކުމް ތަންފީޒު ކުރަމުންދިޔަ ގައިދީއެއް ކަމަށެވެ.
މި ހަމީހުން ކޮވިޑް-19 އަށް ފައްސިވެފައިވާކަން ހެލްތް ޕްރޮޓެކްޝަން އެޖެންސީ (އެޗްޕީއޭ)އިން އަންގާފައިވާ ކަމަށް ކަރެކްޝަންސުން ބުނެފައިވެއެވެ.