ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ބޭނުންފުޅުވަނީ ރާއްޖޭގެ ކުންފުނިތަކަކީ ބޮސްކާލިސް ފަދަ ވަރުގަދަ ކުންފުނިތަކަކަށް ހަދަން ކަމަށް އެމްޓީސީސީގެ ސީއީއޯ އާދަމް އާޒިމް ވިދާޅުވިއެވެ.
ބޮސްކާލިސް އަކީ ނެދަލޭންޑްސްގެ ކޮންސްޓްރަކްޝަން ކުންފުންޏެކެވެ. އެ ކުންފުންޏަކީ އިމާރާތްކުރުމުގެ ދާއިރާގައި ބައިނަލްއަގުވާމީ ގޮތުން މަޝްހޫރު، އިތުބާރު ލިބިފައިވާ ކުންފުންޏެކެވެ.
އާޒިމް އެފަދައިން ވިދާޅުވީ ފ.މަގޫދޫގެ އެއާޕޯޓް އެޅުމަށް ބޭނުންވާ ބިން ހިއްކުމުގެ މަސައްކަތް އަމަލީގޮތުން ފެއްޓުމަށް ބޭއްވި ރަސްމިއްޔާތުގައި ވާހަކަދައްކަވަމުންނެވެ.
އެ ރަސްމިއްޔާތުގައި ވާހަކަދައްކަވަމުން އާޒިމް ވަނީ ރައީސް ސާލިހު އަށް ވަރަށް ބޮޑަށް ތައުރީފުކުރައްވާ ވާހަކަދައްކަވާފައެވެ.