މިދިޔަ އަހަރު މަރުވެފައިވާ މީހަކު ތަހްގީގަށް ހާޒިރުވާން ފުލުހުން އިއުލާނު ކޮށްފިއެވެ.
ފުލުހުން މިއަދު ހެނދުނު ކުރި އިއުލާނެއްގައި ވަނީ އދ. ގަނދެތި، ފެހިވިލާ ޝަކުލުﷲ އަލީ ފުލުހުންގެ ތަހްގީގަށް ހާޒިރުވުމަށް އަންގައިފައެވެ.
ތަހްގީގު ބޭނުމަށް ފުލުހުން ޝަކުލުﷲ ހާޒިރުވުމަށް އަންގާފައިވާއިރު އޭނާ ވަނީ މިދިޔަ އަހަރުގެ ޖޫން މަހުގެ 19 ވަނަ ދުވަހު މަރުވެފައެވެ.
މިކަމާއި ގުޅިގެން ބައެއް މީހުންގެ ފާޑު ކިޔުން އަމާޒުވެފައިވާއިރު ފުލުހުން މިހާރު ވަނީ އޭނާ ހާޒިރުވުމަށް އެންގި އިއުލާނު ނަގާފައެވެ.