މޯލްޑިވްސް ޕެންޝަން އެޑްމިނިސްޓްރޭޝަން އޮފީހުގެ ޗީފް އެގްޒެކްޓިވް އޮފިސަރު (ސީއީއޯ)ގެ މަގާމަށް ސުޖާތާ ހަލީމް އައްޔަންކޮށްފި އެވެ.
ސުޖާތާ މި މަގާމަށް އައްޔަންކޮށްފައި މިވަނީ ކުރިން މި މަގާމުގައި ހުންނެވި އިނގިރޭސިވިލާތުގެ ޖޯން ގްރިންޑަލް މަގާމުން ދުރުކުރިތާ އަހަރެއް ފަހުންނެވެ. ޖޯން މަގާމުން ވަކިކުރީ މިދިޔަ އަހަރުގެ އޮކްޓޫބަރު 12 ވަނަ ދުވަހު އެވެ.
ޕެންޝަން އޮފީހުގެ ވަގުތީ ސީއީއޯގެ މަގާމުވެސް މިދިޔަ ދުވަސްތަކުގައި ފުރުއްވަމުން ގެންދެވީ ސުޖާތާ އެވެ. އަދި 2015 ވަނަ އަހަރުން ފެށިގެން ސުޖާތާ ގެންދަވަނީ ޕެންޝަން އޮފީހުގެ ޗީފް އޮޕަރޭޓިން އޮފިސަރުގެ މަގާމުވެސް ފުރުއްވަމުންނެވެ.