ހަނިމާދޫއިން ލައިސަންސް ނެގޭނެ އިންތިޒާމުތައް ހަމަޖެއްސުމަށް އެންމެ ފުރަތަމަ މަސައްކަތް ފެށީ މިހާރުގެ ކައުންސިލު އިންތިހާބަށް ކެނޑިޑޭޓުން ނެރެ ތަރުތީބު ކުރެވުނު ހިސާބުންނެވެ. އެއީ 21 ޖަނަވަރީ 2020 ވަނަ ދުވަހެވެ.
އެފަހަރު އެމްޑީޕީއަށް ތާއީދުކުރާ މީހުން ނުކުމެ ހަނިމާދޫގައި ހުންނަ އުރީދޫ އެންޓަނާ ކައިރީ އޮތް ހުސްބިން ސާފުކޮށްލިއެވެ. ހީވީ ދެ ދުވަހެއްގެ ތެރޭ އެތަނުގައި ލައިސަންސް ނަގަން ދުއްވިދާނެހެންނެވެ. ނަމަވެސް އެތަނުގެ މަތިން ހަނދާން ނެތިފައި ތިއްބައި އަލިކުރިތަން ވާވީއެވެ.
އޭގެ ފަހުން އެތަނުގެ މަތިން ހަނދާންވެގެން ކައުންސިލަށް ހޮވުނުފަހުން ދެފަހަރަކު އިހު ބުނެވުތަން ސާފުކުރިއެވެ. މި ފަހަރުވެސް ވާވާން ދޫކޮށްލުން ނޫން ކަމެއް ނުވިއެވެ. އެއާއެކު ދެން ބުނީ އެތަން ކުޑަކަމަށެވެ. ޕްލޭނެއްނެތި ކަންދައްކަން ކަންކަންކުރީމާ ވާނީ އެހެންނެވެ. އެހެން ވީމާ އައުބިމެއް ހޯދަންވީއެވެ. އެއާއެކު ކައުންސިލް އިރުމަތިން އޮތް ހުސްބިން ހަމަޖައްސާ އެތަން ސާފުކޮށް ރުއްގަސް އުކާލާ އުޅުނު ގޮތުން ހީވީ ހަމަ އެދުވަހުން އެދުވަހަށް ލައިސަންސް ނެގޭނެ އިންތިޒާމް ހަމަ ޖައްސަފާނެހެންނެވެ. ނަމަވެސް މި ފަހަރުވެސް ވީ ކުރިން ވީވަރެވެ. ތަން ހަމަ ވާވާން ދޫކޮށްލާފައި އޮތީއެވެ.
ދެން އޮތީ މިއަދުގެ ހާލަތެވެ. ލައިސަންސް ނަގަން ތަނެއް ހަދަނީ ކަމަށްބުނެ ކައުންސިލްގެ ނައިބު މިވަނީ ފޮޓޯ ތަކެއް ސޯޝަލް މީޑިޔާއަށް ދޫކޮށްލާފައެވެ. އެތަނަކީ ބޮޑުތަކުރުފާނުމަގާއި ރަންވޭ މަގު ގުޅުނު ދިމާލު ބޮޑުތަކުރުފާނު މަގުގެ އިރުމަތިކޮޅެވެ. މިފަހަރުވެސް ކުރެހި ކުރެހުން ފަނޑުވެ އެތަނުގެ މަތިން ހަދާންނެތި އެތަން ވާ ވެގެން ނުދަނީސް އަމަލީ ސިފަ ޖެހުނިއްޔާ ކިތަންމެހާވެސް ރަނގަޅެވެ.
ހަނިމާދޫގައި މިހާރު މިއޮތް ކައުންސިލަކީ ސަރުކާރު ފަޅިން ކައުންސިލު މެންބަރުން ހޮވައިގެން ނޫނީ ކަންކަން ނުވާނެކަމަށް ބުނި ކައުންސިލެކެވެ. ނަމަވެސް ކައުންސިލްގެ ދުވެލި ހުރީ ބަރަވެލި ދުވެލީގައެވެ. ރައްޔިތުންނަށް ދެއްކި ހުވަފެންތައް ބިލާހަކަށް ވަމުންދާތަން ދަނީ ފެންނަމުންނެވެ.
