ކާޑުގެ ބާވަތްތައް ގުދަންކުރާ ތަންތަން ރަޖިސްޓްރީކުރަން ޖެހޭ ގޮތަށް ހަދައި، ރަޖިސްޓްރީ ކުރަން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) ހުޅުވާލައިފި އެވެ.
ފުޑް އެންޑް ޑްރަގް އޮތޯރިޓީ އިން ކޮށްފައިވާ އިއުލާނެއްގައި ބުނެފައިވަނީ ކާޑުގެ ބާވަތްތައް ރައްކާތެރިކަމާއެކު ގުދަން ކުރުމަށް މިފަދަ ތަންތަން މިއަހަރުގެ އޮގަސްޓް މަހުގެ ކުރިން ރަޖިސްޓްރީ ކުރަންޖެހޭނެ ކަމަށެވެ.
ކާޑުގެ ބާވަތްތައް ގުދަންކުރާ ތަންތަން ރަޖިސްޓްރީކުރަން އެންގީ “ރައްކާތެރި ގޮތުގައި ކާބޯތަކެތި ގެންގުޅުމާއި އެ ތަކެތި އެއް ތަނުން އަނެއް ތަނަށް އުފުލުމާއި ގުދަންކުރުމުގައި އަމަލުކުރާނެ ގޮތުގެ މިންގަނޑު”ގެ ދަށުންނެވެ.