ސްޓޭޓް ޓްރޭޑިން އޯގަނައިޒޭޝަން (އެސްޓީއޯ)ގެ މިދިޔަ އަހަރުގެ ވިޔަފާރީގެ ފައިދާއިން ޙިއްޞާއަކަށް 77 ރުފިޔާ ބެހުމަށް އެ ކުންފުނީގެ ޑިރެކްޓަރުންގެ ބޯޑުން ރުހުންދެއްވައިފިއެވެ.
އެސްޓީއޯގެ ބޯޑުން މިގޮތަށް ނިންމީ އެ ކުންފުނީގެ ޑިރެކްޓަރުންގެ ބޯޑުގެ ބައްދަލުވުމުގައެވެ. މިދިޔަ އަހަރުގެ ވިޔަފާރީގެ ފައިދާއިން ޙިއްޞާއަކަށް ބެހުމަށް ނިންމި އަދަދު ފާސްކުރުން އޮންނާނީ، އެސްޓީއޯގެ އަހަރީ ޢާއްމު ޖަލްސާގައި ޙިއްޞާދާރުންގެ ވޯޓުން ފާސްވުމަށް ފަހުއެވެ.
މިދިޔަ އަހަރު އެސްޓީއޯއިން ބަހާފައިވަނީ ޙިއްޞާއަކަށް 65 ރުފިޔާއެވެ. 2020 ވަނަ އަހަރު އެސްޓީއޯއިން ޙިއްޞާއަކަށް ބަހާފައިވަނީ 58 ރުފިޔާއެވެ.
ނިމުނު 2022 ވަނަ އަހަރު އެސްޓީއޯއަށް ހިންގުމުގެ ފައިދާގެ ގޮތުގައި 1 ބިލިއަން ރުފިޔާ ލިބިފައިވާ ކަމަށް އެސްޓީއޯއިން ވަނީ ހާމަކޮށްފައެވެ
