ހުޅުމާލެ ބްރިޖުގައި ދުއްވާފައި ދިޔަ ކާރެއްގައި އަލިފާން ރޯވެއްޖެ އެވެ.
އެމްއެންޑީއެފް އިން ބުނި ގޮތުގައި ޓެކްސީ ކާރުގައި އަލިފާން ރޯވެގެން ރިޕޯޓު ލިބުނީ 4:09 ހާއިރު ކަމަށާއި، އެ ސަރަހައްދަށް ފަޔަ އެންޑް ރެސްކިއު ޓީމް ގޮސް، ކާރުގައި ރޯވެފައި ހުރި އަލިފާންގަނޑު 4:20 ހާއިރު ނިއްވާލެވުނު ކަމަށެވެ.
އަލިފާނުގެ މި ހާދިސާ ހިނގީ ކީއްވެގެން ކަމެއް އެމްއެންޑީއެފުން ނުބުނެ އެވެ.
މި ހާދިސާގައި މީހަކަށް ގެއްލުމެއް ނުލިބެ އެވެ. ނަމަވެސް ކާރުގެ އިންޖީނާއި ކުރީކޮޅު ވަނީ އަނދައިފަ އެވެ.
