ޑިރެކްޓަރ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރުގެ މަންމާފުޅު، ހއ. އިހަވަންދޫ ވައިޖެހޭގޭ ޖަމީލާ ޙުސެއިން ނިޔާވެއްޖެއެވެ.
ޖަމީލާ ނިޔާވެފައިވަނީ މިއަދު ހެނދުނު 10:22 ގައި ކަމަށް މަޢުލޫމާތު ލިބެއެވެ. އަދި އޭނާ ނިޔާވެފައިވަނީ ގިނަ ދުވަސް ވަންދެން އާލާސްކަންފުޅުގައި އުޅުއްވުމަށް ފަހުކަމަށްވެސް މަޢުލޫމާތު ލިބެއެވެ. ޖަމީލާ ނިޔާވިއިރު އުމުރުފުޅަކީ 82 އަހަރެވެ.
ޖަމީލާއަކީ ޑިރެކްޓަރ ޖެނެރަލް އޮފް ޕަބްލިކް ޙެލްތު މައިމޫނާ އަބޫބަކުރުގެ އިތުރުން ރައީސް ވަހީދުގެ ދައުރުގައި ފިޝަރީޒް މިނިސްޓަރ ކަން ކުރެއްވި އަދި ފަހުން އެޑިއުކޭޝަން މިނިސްޓްރީގެ ސްޓޭޓް މިނިސްޓަރުކަންވެސް ކުރެއްވި އަޙްމަދު ޝަފީޢުގެވެސް މަންމާފުޅެވެ. އަދި ކުރިން ދ.އަތޮޅުގެ އަތޮޅުވެރިކަން ކުރެއްވި އަދި ފަހުން އޭސީސީގެ މެންބަރުކަން ކުރެއްވި މުޙައްމަދު ޝަފީޢުގެވެސް މަންމާފުޅެވެ. މީގެ އިތުރުން މިހާރު ރައީސުލްޖުމްހޫރިއްޔާގެ އޮފީހުގައި ޗީފް ޓެކްނޮލޮޖީ އޮފިސަރގެ މަޤާމުގައިހުންނެވި ހާމިދު ޝަފީޢު އާއި މީރާގެ ޑެޕިއުޓީ ކޮމިޝަނަރ ޖެނެރަލް އަސްމާ ޝަފީޢުގެވެސް މަންމާފުޅެވެ.
