އާލާސްކަންފުޅާ އުޅުއްވާތީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ ކެމްޕޭން ދަތުރުފުޅު ފަސްކުރައްވައިފިއެވެ.
ސެޕްޓެމްބަރު 9 ވަނަ ދުވަހު އޮންނަ ރިޔާސީ އިންތިހާބުގެ ކެމްޕޭނަށް ރައީސް މިހާރު ހުންނެވީ އއ. އަތޮޅުގައި ކެމްޕޭނަށް ވަޑައިގެންނެވެ. އިއްޔެ އއ އަތޮޅުގެ 7 ރަށަކަށް ރައީސް ވަޑައިގަންނަވާފައިވާ އިރު، މިއަދު އއ. ހިމަންދޫގެ އިތުރުން އދ. އަތޮޅުގެ 7 ރަށަށް ވަޑައިގަތުމަށް ވަނީ ހަމަޖެހިފައެވެ.
ނަމަވެސް ރައީސް އާލާސްކަންފުޅާ އުޅުއްވާތީ އެމަނިކުފާނުގެ މިއަދުގެ ދަތުރުފުޅު ވަނީ ފަސްކުރައްވާފައެވެ. އެމްޑީޕީން ބުނީ ރައީސްގެ ދަތުރުފުޅުގެ މައުލޫމާތު ފަހުން ހާމަކުރާނެ ކަމަށެވެ.