ސިއްޙީ ނިޒާމަކީ މި ސަރުކާރުން ވަރަށް ފުރިހަމައަށް ފެއިލްކޮށްލާފައިވާ ނިޒާމެއް ކަމަށް ޕީޕީއެމް، ޕީއެންސީގެ ރިޔާސީ ކެންޑިޑޭޓް ޑރ.މުޢިއްޒު ވިދާޅުވެއްޖެއެވެ.
އެމަނިކުފާނު މިފަދައިން ވިދާޚުވީ މިއަދު ލ.ހިތަދުއަށް ވަޑައިގެން އެރަށު ރައްޔިތުންނާ ބައްދަލުކޮށް ވާހަކަ ދައްކަވަމުންނެވެ.
ޑރ.މުޢިއްޒު ވިދާޅުވީ ސިއްޙީ ނިޒާމު އޮތީ ރަނގަޅަށޭ ބުނެވޭނެ އެއްވެސް ރަށެއް ނެތްކަން ފާހަގަކުރެވުނު ކަމަށެވެ.
ސިއްޙީ ނިޒާމަކީ ރައީސް ޔާމީންގެ ވެރިކަމުގައި އެންމެ އިސްކަންދިން ދާއިރާ ކަމަށާއި، ޑރ.މުޢިއްޒުއަށް ވެރިކަން ލިބިއްޖެ ނަމަ ހިތަދޫ ހެލްތު ސެންޓަރަކީ ރައްޔިތުން އެދޭ މިންވަރަށް ތަރައްޤީވެފައިވާ ތަނަކަށް ހަދައިދޭނެ ކަމުގެ ޔަޤީންކަން އެމަނިކުފާނު ދެއްވިއެވެ.
