އުމުރުން ދުވަސްވީ މީހުންނަށް ސަރުކާރުން ދޭ އިނާޔަތް 7،000 ރުފިޔާ އަށް ބޮޑުކުރުމަށް ރައީސް އިބްރާހީމް މުޙައްމަދު ޞާލިޙު ނިންމަވައިފިއެވެ.
މިރޭ މާވެޔޮ މަގުގައި އޮތް ކެންޕޭނު ޖަލްސާގައި ވާހަކަ ދައްކަވަމުން ރައީސް ވިދާޅުވީ އެ އެލަވަންސްގެ ގޮތުގައި މިހާރު ދެމުން އަންނަ 5،000 ރުފިޔާ، 7،000 ރުފިޔާ އަށް ބޮޑުކުރުމަށް ނިންމަވާފައިވާ ކަމަށެވެ.
މީގެ އިތުރުން ރައީސް ވަނީ ރިޓަޔަމެންޓް އޭޖް 65 ކުން 70 އަށް ބަދަލުކުރާނެ ކަމަށް ވެސް ރައީސް ވިދާޅުވިއެވެ.
ދުވަސްވީ މީހުންގެ އެލަވަންސް ބޮޑު ކުރައްވާނެ ކަން ރައީސް އިއުލާނު ކުރެއްވީ މިއަހަރުގެ ޖޫން މަހު އައްޑޫއަށް ކުރެއްވި ދަތުރުފުޅެއްގެ ތެރެއިންނެވެ.
