އިސްކަންދަރުކޮށްދީގައި މިއަދު ބޭއްވި ރަސްމިއްޔާތެއްގައި މި ޕްލޭން އިފްތިތާހުކޮށްދެއްވީ ހޯމްލޭންޑް ސެކިއުރިޓީ މިނިސްޓަރު އަލީ އިހުސާން އެވެ.
ކުރިއަށް އޮތް ހަތަރު އަހަރަށް އެކުލަވާލާފައިވާ މި ޕްލޭންގައި ފުލުހުން އިސްކަންދޭ މައިގަނޑު ފަސް ދާއިރާއެއް ހިމެނެ އެވެ. އެއީ:
* ކުށުގެ ބިރުވެރިކަން ނައްތާލުމަށް މަސައްކަތް ކުރުން.
* މުޖުތަމައާއެކު އޮންނަ ގުޅުން ވަރުގަދަކުރުން.
* ހިދުމަތުގެ ފެންވަރު ރަނގަޅުކުރަން އިންފްރާސްޓްރަކްޗާ އަދި ވަސީލަތްތައް އަޕްގްރޭޑްކުރުން.
* ފުލުހުންގެ އެތެރޭގެ ހިންގުން އިސްލާހުކުރުމާއި ލީޑަޝިޕް ހަރުދަނާކުރުން.
* ދެފުށްފެންނަ އަދި އަހްލާގީ މިންގަނޑެއްގެ ތެރެއިން ޖަވާބުދާރީވެވޭ ތަނަކަށް ހެދުން.
މި ޕްލޭނާ އެކު ފުލުހުންގެ ތެރޭގައި ހުރި މައްސަލަތަކަށް ހައްލުތަކެއް ލިބި ހިދުމަތުގެ ފެންވަރު ރަނގަޅު ކުރެވޭނެ ކަމަށް ހޯމްލޭންޑް ސެކިއުރިޓީ މިނިސްޓްރީން ބުނެ އެވެ.
