ހަތަރުވަނަ ސިވިލް ސާވިސް ކޮންފަރެންސް ފަށައިފިއެވެ.
މިފަހަރުގެ މި ކޮންފަރެންސް ބާއްވަނީ “ސްމާޓް ގަވަނަންސް ފޯ ސިވިލް ސާވިސް އެކްސެލެންސް” މި ޝިއާރުގެ ދަށުންނެވެ. ސިވިލް ސާވިސް ކޮންފަރެންސް ކުރިއަށް ގެންދިއުމަށް ހަމަޖެހިފައިވަނީ މި މަހު 9 ވަނަ ދުވަހުން 10 ވަނަ ދުވަހުގެ ނިޔަލަށެވެ.
ސިވިލް ސާވިސް ކޮމިޝަނުން މައުލޫމާތުދޭ ގޮތުގައި މިއަހަރުގެ ކޮންފަރެންސްގައި 3 ދާއިރާއަކުން 15 ކަރުދާހެއް ހުށަހެޅުމަށް ވަނީ ހަމަޖެހިފައެވެ.
މި ކޮންފަރެންސްގައި ކީނޯޓް ސްޕީޗް ދެއްވާނީ ރާއްޖެއިން ބޭރުގެ 2 ސްޕީކަރުން އަދި ރާއްޖޭގެ 2 ސްޕީކަރުން ކަމަށްވެސް ސިވިލް ސާވިސް ކޮމިޝަނުން މައުލޫމާތުދީފައިވެއެވެ.
މުޅި ރާއްޖޭގެ އެކި ކަންކޮޅުތަކުން ޖުމްލަ 250 އަށްވުރެ ގިނަ ބައިވެރިވެރިން މި ކޮންފަރެންސްގައި ބައިވެރިވެއެވެ.
