ނޭޕާލް ގައި ކުރިއަށް ދާ ސާފް ވިމެންސް ޗެމްޕިއަންޝިޕް 2024 ގްރޫޕް ބީގެ ފުރަތަމަ މެޗުގައި ރާއްޖެ އަތުން ސުރީލަންކާ މޮޅުވިއިރު އެ ގްރޫޕްގެ ދެވަނަ މެޗްގައި ނޭޕާލް އާއި ބޫޓާން ހަމަހަމަ ނަތީޖާއަކުން ނިމިއްޖެއެވެ.
ގްރޫޕް ބީގެ ފުރަތަމަ މެޗްގައި ރާއްޖެ އަތުން ސުރީ ލަންކާ މޮޅުވީ 1-0ގެ ނަތީޖާއަކުންނެވެ. މި މެޗުގެ 18 ވަނަ މިނެޓްގައި ސުރީލަންކާ ޓީމުވަނީ ރާއްޖެ ކޮޅަށް ލަނޑެއްޖަހާ މެޗްގެ ލީޑެއް ނަގާފައެވެ. މި ލަނޑު ކާމިޔާބު ކޮށްދިނީ ސްރީލަންކާ ޓީމްގެ އެމީޝާ އަނޫރާދީނީއެވެ. މެޗްގެ ދެވަނަ ހާފްގައި ދެޓީމުންކުރެން އެއްޓީމަކައްވެސް ލަނޑެއް ޖެހިފައެއްނުވެއެވެ.
މީގެ އިތުރުން ގްރޫޕް ބީގެ ދެވަނަ މެޗް ގައި ނޭޕާލް އާއި ބޫޓާންގެ ކުރިމަތު ލުމުގައި ދެ ޓީމްވެތސް ހަމަހަމަ ކުޅުމެއްފެނިގެން ގޮސްފައިވެއެވެ. މެޗްގެ ފުރިހަމަ ވަގުތުހަމަވީ އިރުވެސް ދެޓީމުންކުރެން އެއް ޓީމަކަށް ވެސް ލަންޑެއް ނުޖެހި 0-0 ގެ ނަތީޖާއިން މެޗް ވަނީ ނިމިފައެވެ.
ގްރޫޕް ބީގެ އެއްވަނާގައި މިހާރު އޮތީ 3 ޕޮއިންޓާއެކު ސުރީލަންކާއެވެ. ގްރޫޕް ސްޓޭޖުގައި ނޭޕާލް ކުޅޭ ދެވަނަ މެޗުގައި ހޯމަ ދުވަހު ނުކުންނާނީ ދިވެހިރާއްޖޭއާއި ދެކޮޅަށެވެ. ހަމަ އެދުވަހު ބޫޓާނާއި ސްރީލަންކާއާއި ދެކޮޅަށް ނުކުންނާނެއެވެ. ސެމީ ފައިނަލަށް ދާނީ ގްރޫޕްގެ ގަދަ ދެ ޓީމެވެ.
