ފުލުހުން ވިދާޅުވީ ގަލޮޅުގައި ހުންނަ ގެއެއްގައި ހަބަރު ހުސްވެފައި އޮތް މީހަކު އޮތް ކަމުގެ މައުލޫމާތު ރޭ 1:27 ހާޢިރު ފުލުހުންނަށް ރިޕޯޓުކޮށްފައިވާ ކަމަށެވެ. އެމީހާ އައިޖީއެމްއެޗަށް ގެންދިޔަ އިރު ވެސް ނިޔާވެފައިވާ ކަމަށް ހޮސްޕިޓަލާ ހަވާލާދީ ފުލުހުން ވިދާޅުވިއެވެ.
ނިޔާވެފައި އޮއްވައި ފެނިފައިވަނީ މ. ބިއުޓީ ވިލާ ދާއޫދު ޖިމްރީޒް 45، އެވެ. މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
މާލޭގެ ގެއެއްގެ ތެރެއިން މީހަކު ނިޔާވެފައި އޮއްވައި ފެނުނު އިރު، އިއްޔެ ހަވީރު ވެސް މާލޭގެ ގެއެއްގެ ތެރޭގައި މީހަކު ނިޔާވެފައި އޮއްވައި ވަނީ ފެނިފައެވެ. ނިޔާވެފައި އޮއްވައި ފެނިފައި ވަނީ އަލި ރަޝީދު (35އ) ނަމަކަށް ކިޔާ މީހެކެވެ. އެމީހާ ވެސް ފެނުނީ ގަލޮޅު ގެއެއްގެ ތެރެއިންނެވެ.
