އޮރިޔާންކާޑު ގެންގުޅުމުގެ މައްސަލައެއްގައި ކްރިމިނަލް ކޯޓަށް ބަންދުގައި ބަހައްޓައިގެން ހާޒިރުކުރުމަށް މީހަކު ހޯދުމުގެ މަސައްކަތް ފުލުހުން ފަށައިފިއެވެ.
ފުލުހުން ބުނީ މި މައްސަލައިގައި ހޯދަމުންދަނީ ސ. މީދޫ / އާޒާދުވިލާ، ޢަބްދުﷲ ރަމީޒް (42އ) ކަމަށެވެ.
އޭނާ ހޯދަނީ އޭނާގެ މައްޗަށް އެ ކޯޓަށް ހުށަހެޅިފައިވާ ޖިނާއީ މަޖުބޫރުކުރުވުން، އޮރިޔާންކާޑު ގެންގުޅުމުގެ ކުށުގެ މައްސަލައާ ގުޅިގެން ކޯޓަށް ހާޒިރުކުރުމަށް ބޭނުންވެ ހާޒިރުކުރެވިފައި ނުވާތީ، ބަންދުގައި ބަހައްޓައިގެން ކްރިމިނަލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރާ ގުޅިގެން ކަމަށް ފުލުހުން ބުނެފައިވެއެވެ.
ފުލުހުން ވަނީ ރަމީޒް އާބެހޭ އެއްވެސް މައުލޫމާތެއް ލިބިފައިވާ މީހަކު ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅައި ހިއްސާކުރުމަށް އެދިފައެވެ.
