ޣަފޫރު ވިދާޅުވިހެން ހަފުތާގެ އާދީއްތަ އަދި ބުރާސްފަތި ދުވަހު ރައްޔިތުންނަށް މަލާމާތް ކުރަން މޯލްޑިވިއަންއާއި ގުޅިގެން ޢަފޫރު ނިސްބަތްވާ މިއަދުގެ ސަރުކާރުން ރޭ ފަށައިފިއެވެ.
ލިޔުމައިގެން ކުރިއަށް ދިއުމުގެ ކުރިން ތިރީގައި ވާ ވީޑިޔޯ ބަލައިލާށެވެ.
ވީޑިއޯ ގައި ޣަފޫރު ވިދާޅުވާނީ…ކޮންކަމެއްތޯ ކުރެވުނީ، ކޮބައިތޯ ހދ އަތޮޅުގައި ހުޅުވުނު ރިސޯޓަކީ؟ ކޮބައިތޯ ހަނިމާދޫ އެއާޕޯޓަށް އައި ތަރައްގީއަކީ؟ ދަންވަރު 30 މީހުން ގޮވައިގެން ޓްރިވެންޑްރަމަށް ދިއުމަކީ އިންޓަނޭޝަނަލް ވުމެއްނޫން، އިއްޒަތްތެރި ރައިސް. އެއީ މަލާމާތެއް، އިއްޒަތްތެރި ރައިސް. އެއިކީއެއްނޫން އިންޓަނޭޝަނަލް އެއާޕޯޓް ތަންތާ މީހުން ހިންގާ ގޮތަކީ..
އަސްތާ، އިއްޒަތްތެރި ހަނިމާދޫ ދާއިރާގެ މެންބަރު އަބްދުލް ޣަފޫރު ބަސްތައް މިހާރުގެ ސަރުކާރަށް ހާދަހާ ރިތިކޮށް ދިމާވެއެވެ. ވެރިކަމަށް ތިން އަހަރު ފުރި ހަތަރު ވަނައަހަރު ނިމެން ދާއިރު އެމްޑީޕީގެ ސަރުކާރަށް ހދ ގައި ހުޅުވުނު ރިސޯޓެއް ފެންނާކަށް ނެތެވެ.
ހަމަ އެގޮތަށް މިސަރުކާރުން ހަނިމާދޫ އެއާޕޯޓަށް ގެނައި ކުރިއެރުމެއް ފެންނާކަށް ނެތެވެ. ހަމަ ގައިމުވެސް އެއްކަމެއް ވީކަން ކަށަވަރުވެ. އެއީ އެތަނުގެ އެކްސްރޭ މެޝިންތައް ހަލާކުވެ ދެ އަހަރެއްހާ ދުވަސް ބޭނުން ނުކުރެވި ހުއްޓެވެ. އެތަނުގެ ޑިޕާޗާ ގޮޅީގެ އޭސީތައް ހަލާކުވެފައިވެސް އެތަކެއް ދުވަސް ހުރިކަން އެ އެއާޕޯޓް ބޭނުންކުރި އެތައް ދަތުރުވެރިޔަކަށް ފެނިފައި ހުންނާނެއެވެ.
ދަންވަރު 30 މީހުން ގޮވައިގެން ޓްރިވެންޑްރަމަށް ދިއުމަކީ އިންޓަނޭޝަނަލް ވުމެއްނޫ ކަމަށް ވިދާޅުވި އިރު މިސަރުކާރުވެސް ދަތުރު ހަމަ މިފެށީ ދަންވަރުގެ ވަގުތު ތަކުގައެވެ. ފަހަރުގައި އެ ބޭފުޅުނަށް އެއީ ދުވާލުގެ ވަގުތު ތަކަށް ވަނީ ކަމަށް ވެދާނެއެވެ. ނުވަތަ އެބޭފުޅުން ވެރިކަމަށް އައީމާ އިންޓަނޭޝަނަލް އެއާޕޯޓް ތަންތަނުގާ ހިންގާގޮތް ބަދަލުވީ ކަަމަށް ވެސް ވެދާނެއެވެ.
