ހދ.ހަނިމާދޫ، ޝަބުނަމްގެ ޙަަސަން މުޙައްމަދު ދިރިއުޅުން ކުރިޔަށް ގެންދިޔައީ އޭނާގެ އަތާއިފައިން ގަދަފަދަ މަސައްކަތް ކޮށްގެންނެވެ. ނަމަވެސް މުޅި ދުނިޔެ އެވައިރަހެއްގެ ސަބަބުން ކުޑަކަަކޫ ޖަހަން މަޖޫބޫރުކުރުވި ދުވަސްވަރު ޙަސަން މުޙައްމަދުއަށް ވަނީ އިތުރު ހަނގުރާމައެއް ކުރަންވެސް މަޖުބޫރުވެފައެވެ.
2020 ވަނަ އަހަރު އެނާގެ ކަނާއަތުގައި ރިއްސަން ފެށީއެވެ. އެ ވޭނުގައި ހަމަނިދި ނުލިބި އެތަށް ރެޔެއް ހޭދަވީއެވެ. ފަރުވާއަށް މާލެ ގޮސް ޙަސަން މުހައްމަދު ފުރަތަމަ ދެއްކީ ޓްރީޓޮފް ހޮސްޕިޓަލަށެވެ. އެތަނުން އެނާގެ އަތުގެ އޮޕަރޭޝަނެއް ކުރިއެވެ. ނަމަަަަަވެސް އެކަމުން މާބޮޑު ލުޔެއް ނުލިބުނެވެ.
އެހެންކަމުން ދެން ދެއްކީ އޭޑީކޭއަށެވެ. އެތަނުން ލިބުނީ ހިތް ނޭދޭ ހަބަަރެކެވެ. ޑޮކްޓަރުން ލަފާކުރީ ކެންސަރުގެ ކަމެއްކަމަށެވެ. ވީމާ އަވަހަށް ރާއްޖޭން ބޭރަށް ދިއުމަށް އިރުޝާދުދިނެވެ. އެ ދުވަސްވަރަކީ ކޮވިޑް 19 އާއި ގުޅިގެން ބޯޑަރު ބަންދުކޮފައިވާ ދުވަސްވަރުކަމުން ބޭރަށް ދެވޭގޮތެއް ނުވިއެވެ.
ހަސަން އަތުގައި އަޅަމުންދިޔަ ވޭނުގައި ދުވަސްތައް ވޭތުކުރަމުން ގޮސް ފަރުވާއަށް ފުރޭ ގޮތް ވީ 2021 ވަަނަ އަހަރުގެ މެދުތެރޭގައެވެ. އެފަރު ތިން މަސް ފަރުވާގައި ހޭދަކުރިއެވެ. ފަރުވާއަށްފަހު ރާއްޖެ އައީ ކެންސަރުގެ ސަބަބުން އެނާގެ ކަނާއަތުގެ ތިން އިނގިލި ބުރިކޮށް ނަގައިފައެވެ. ތިން އިނގިލި ނަގަން ޖެހުމުން ދެރަވި ނަމަވެސް އެނާގެ ދިރިއުޅުން ކުރިޔަށް ގެންދިޔައީ ދެން ބަލިން މިންޖުވީކަމުގެ އުންމީދުގައެވެ.
3 މަސް ރާއްޖޭގައި ހޭދަކުރުމަށްފަހު އަލުން ފަރުވާކުރި ހިސާބަށް ގޮސް ޓެސްޓް ހެދުމުން ރަނގަޅުގަމަށް ދެއްކިޔެވެ. އެއާއެކު 6 މަސް ހަމަކޮށްފައި ދައްކަން ޑޮކްޓަރު އެދުނެވެ. ބަލިން މިންޖުވުމުގެ ކުލަވަރު ފެނުނު ނަމަވެސް ތަގުދީރު އެގޮތަކަށް ތަނެއް ނުދިނެވެ. 4 މަސް ނުވަނީސް އޮޕަރޭޝަން ކުރިތަން ގޯސްވީއެވެ. އެއާއެކު ޑޮކްޓަރުންް ލަފާއަކަށްވީ އަތްތިލަ ބުރި ކުރުމަށެވެ. ހިތް ކިތަންމެ ނޭދުނަސް އެކަން ކުރަން ތަގުދީރު މަޖުބޫރުކުރީއެވެ.
އެޔާއެކު ފަރުވާއަށް ކޮންމެ މަހަކު މާލެއަށް ދާންޖެހެއެވެ. ކޮންމެ 6 މަހަކު އިންޑިޔާއަށް ދާންޖެހެއެވެ. ހަސަން މިހާރު ވަޒީފާ އަދާކުރަނީ ހަނިމާދޫގެ މިސްކިތެއްގެ މަސައްކަތު މީހެއްގެ ވަޒީފާގައެވެ. 5 އަހަރާއި 2 އަހަރުގެ ކުޖެއްގެ ބައްޕައަށް ވާއިރު ފަރުވާއަށް ކުރަންޖެހޭ ހަރަދުތައް އޮންނަނީ ލިބޭ މުސާރައާ ނުބައްދަލުވެފައެވެ. އެހެން ކަމުން ހަސަން މުހައްމަދު އެދެނީ އޭނާގެ އަތުގެ ފަރުވާއަށް ތިޔަ ކިޔުންތެރިންގެ ދީލަތި އެހީއަށެވެ.
ހަސަން މިހިސާބަށް އައުމުގައި ލޯބިވާ އަނބިމީހާ އަދި އާއިލާގެ ފަރާތުން ލިބޭ އެހީތެރިކަން އެނާ ފާހަގަ ކުރަނީ ޝުކުރު ވެރިކަމާއެކުއެވެ.
ޙަސަންއަށް އެހީތެރިވުމަށް:
ފޯން ނަންބަރު: 7881159
އެކައުންޓް ނަންބަރު: ޙަސަން މުޙައްމަދު 7730000287689
