ހަނިމާދޫގައި މާދަމާ އެމްއެންޑީއެފްގެ މިލިޓަރީ ޕެރޭޑެއް ބާއްވަން ނިންމައިފިއެވެ.
އެމްއެންޑީއެފް އިން ބުނީ އެމްއެންޑީއެފް ނޮދަން އޭރިއާ ކޮމާންޑް ހެޑްކުއޯޓަރޒް ހދ.ހަނިމާދޫއަށް ބަދަލުކުރާތީ، އެކަން ފާހަގަކުރުމުގެ ގޮތުން ހަނިމާދޫގައިސިފައިންގެ މިލިޓަރީ ޕެރޭޑެއް ބާއްވަން ނިންމާފައިވާކަމަށެވެ.
ޕެރޭޑް ފެށުމަށް ހަމަޖެހިފައިވަނީ ހަވީރު 16:30 ގައެވެ. ޕެރޭޑަށްފަހު ސިފައިންނާއެކު ފޮޓޯނެގުމުގެ ފުރުޞަތު އާންމުކޮށް ވަނީ ހުޅުވާލާފައި ކަމަށްވެސްއެމްއެންޑީއެފުން ބުންޏެވެ.
އެމްއެންޑީއެފް ނޮދަން އޭރިއާ ކޮމާންޑް ހެޑްކުއޯޓަރޒް ހދ.ހަނިމާދޫއަށް ބަދަލުކުރުމާ ގުޅިގެން އިތުރު 4 ރަށެއްގައިވެސް މިލިޓަރީ ޕެރޭޑް ބާއްވަން ވަނީނިންމާފައެވެ. އެރަށްތަކަކީ:
* ހދ. ކުޅުދުއްފުށި 26 އޮގަސްޓް
* ހއ. ދިއްދޫ – 27 އޮގަސްޓް
* ހއ. އިހަވަންދޫ – 28 އޮގަސްޓް
* ހދ. ނޮޅިވަރަންފަރު– 29 އޮގަސްޓް
