ފުލުހުންނަށް ޕްރޮމޯޝަން ދިނުމަށް ސަރުކާރުން އަންގާފައިނުވާ ކަމަށް ފުލުހުން ބުނެފިއެވެ.
ފުލުހުން މިފަދައިން ބުނީ އޮންލައިން ނޫސް ‘ދިޔަރެސް’ގައި ޝާއިއުކޮށްފައިވާ ލިޔުމަކާ ގުޅިގެންނެވެ. އެ ލިޔުމުގައި ވަނީ އިންތިހާބުގައި ތާއީދު ހޯދުމަށް300 ފުލުހުންނަށް ޕްރޮމޯޝަން ދޭން ސަރުކާރުން އަންގާފައިވާކަމަށެވެ.
މިކަމާ ގުޅިގެން ފުލުހުން ބުނީ އިންތިހާބާ ގުޅިގެންވެސް، އަދި އެނޫން އިރެއްގައިވެސް މިދިޔަ 5 އަހަރު ތެރޭ އެއްވެސް ފުލުހަކަަށް ޕްރޮމޯޝަން ދިނުމަށްސަރުކާރުން އަންގާފައި ނުވާކަމަށެވެ.
އިންތިހާބާއި ގުޅިގެންވެސް، އަދި އެނޫން އިރެއްގައިވެސް މިދިޔަ 5 އަހަރު ތެރޭ އެއްވެސް ފުލުހަކަަށް ޕްރޮމޯޝަން ދިނުމަށް ސަރުކާރުން އަންގާފައިނުވޭ. https://t.co/YkXqmcyFLN
— Maldives Police (@PoliceMv) September 10, 2023
މީގެ އިތުރުން ޕްރޮމޯޝަން ދިނުމަކީ ފުލުހުންގެ ޚިދުމަތުގެ ޤާނޫނާއި އެގާނޫނުގެ ދަށުން ހެދިފައިވާ ގަވައިދުގައިވާ ގޮތުގެ މަތިން ފުލުހުންގެ ތެރޭގައި ހަމަޖެހިފައިވާ އިންތިޒާމުތަކުގެ ތެރެއިން ޕްރޮމޯޝަން ބޯޑުން ނިންމާ ނިންމުމެއްގެ މައްޗަށް ކުރެވޭ ކަމެއް ކަމަށްވެސް ފުލުހުން ބުނެފައިވެއެވެ.