ހަނިމާދޫ ޑަބްލިޔު.ޑީ.ސީގެ އިސްނެގުމާއެކު ބައިނަލް އަޤުވާމީ ނުކުޅެދުންތެރިކަން ހުންނަ މީހުންގެ ދުވަސް ފާހަގަ ކޮށްފިއެވެ.
މިދުވަސް ފާހަގަ ކުރުމުގެ ގޮތުން ހަނިމާދޫ ދެކުނު ފަރާތުގައި ގާއިމު ކޮށްފައިވާ ބާބަކިއު ސަރަހައްދުގައި މިއަދު ވަނީ ހަވީރެއް ކުރިއަށް ގެންގޮސްފައެވެ.
މިހަވީރު ހިންގުމުގައި ހަނިމާދޫ ޑަބްލިޔު.ޑީ.ސީ އާއިއެކު ހަނިމާދޫ ފުލުހުންގެ އިދާރާ، ހަނިމާދޫ ސިއްހީ މަރުކަޒު އަދި ކައުންސިލުން ވަނީ ބައިވެރިވެފައެވެ.
މި ހަވީރުގައި ވަނީ ދުވަހާއި ގުޅުވާ ކޭކު ފެޅުމުގެ ހަރަކާތަކާއި ހަދިޔާ ބަދަލު ކުރުމުގެ ހަރަކާތެއް ކުރިއަށް ގެންގޮސްފައެވެ.
މިއަހަރުގެ ބައިނަލްއަޤްވާމީ ނުކުޅެދުންތެރިކަން ހުންނަ މީހުންގެ ދުވަހުގެ ޝިއާރަކީ ” United in action to rescue and achieve the SDGs for, with and by persons with disabilities.” ނުކުޅެދުންތެރިކަން ހުންނަ ފަރާތްތަކަށް ކަނޑައެޅިފައިވާ “ސްޓޭންޑަރޑް ޑިވެލޮޕްމަންޓް ގޯލްސް” (މިންގަޑުތަކެއްގެ މައްޗަށް އެކަށައެޅިފައިވާ ލަނޑުދަނޑިތައް) ހާސިލް ކުރުމަށްޓަކައި އެންމެން އެކުގައި ނުކުޅެދުންތެރިކަން ހުންނަ ފަރާތްތަކާއިއެކު މަސައްކަތް ކުރުމެވެ.
