ގައުމީ އެއާލައިން، މޯލްޑިވިއަނުން ރާއްޖެ އިން ބޭރަށް ދަތުރުތައް ކުރިން ފުޅާކުރުމަށްޓަކައި އެކަމާށް ބޭނުންވާ ވައިޑް ބޮޑީ މަތިންދާބޯޓެއް ހޯދަން އިއުލާންކޮށްފި އެވެ.
މޯލްޑިވިއަން އޮޕަރޭޓްކުރާ އައިލޭންޑް އޭވިއޭޝަން ސާވިސެސް (އައިއޭއެސް) އިން ބުނީ ބޭނުން ވަނީ އެއާބަސް އޭ-330-220 މަރުކާގެ މަތިންދާބޯޓެއް ޑްރައި ލީސް އުސޫލުން ހޯދަން ކަމަށެވެ.
އެހެންވެ އެފަދަ ބޯޓެއް ކުއްޔަށް ދޫކުރަން ބޭނުންވާ ފަރާތްތަކަށް ބީލަން ހުށަހެޅުމުގެ ފުރުސަތު އަންނަމ ަހިގެ 24 ވަނަ ދުވަހުގެ ހަވީރު 4:00 އާ ހަމައަށް ވަނީ ހުޅުވާލައިފަ އެވެ.
އައިއޭސް އިން ބުނީ އެންމެ ލަސްވެގެން އަންނަ އަހަރުގެ ދެވަނަ ކުއާޓާގައި ބޯޓު ފޯރުކޮށް ދޭން ޖެހޭނެ ކަމަށެވެ.
ވައިޑް-ބޮޑީ ބޯޓެއް ގެނެސް މޯލްޑިވިއަންހެ އޮޕަރޭޝަންތައް ފުޅާކުރުމަކީ ރައީސް ޑރ. މުހައްމަދު މުޢިއްޒުގެ ރިޔާސީ ވައުދެކެވެ. އެގޮތުން އެކަމަށް ބޭނުންވާ ފައިސާ ފިނޭންސް މިނިސްޓްރީން މޯލްޑިވިއަންއަށް ހަމަޖައްސައި ދިނުމަށް ވަޒީރުންގެ މަޖިލީހުގެ ލަފާގެ މަތިން ވަނީ ނިންމައިފަ އެވެ.
